جەی بارەۋە دلێگەو یاۋنەری هێزەکانو سوریای دیموکراتیکی-قەسەدە بە ۋەڵاکریای سەربازی سەبارەت بە دمایین قۆناخەو کۆتایی-ئاردەی بە تەرۆری جە دێرزوور و وەرهۆرزو فوڕاتی زانیاری زیاتەرش دان و ئاشکراش کەردەن:

"باغوز"

جە دەگاو سەفاقنەی شەڕڤانێ بە پەشتیۋانی فڕۆکەکانو هامپەیمانی دژو داعشی، هێرشو چەتەکانشان شکست پنە دان. جە هێرشەکەنە چەتەکێ ماشینی بۆمبکریا، تۆپێ و دۆشکێ-شان بەکاربەردێنێ. دەرەنجام چەتەکێ ژمارێۋی فرێ کوشتێ و بریندارێشان دێنێ و هێزەکێمان ۱ کیلۆمەتری تەر ۋەر-ڕەۋیشان کەردەن و هامکات دمای جەنگی فرە قورسی ۹ خاڵێ سەربازیێ داعشیشان ڕزگارێ کەردێنێ.

"هەجین"

جەنگی قورس چنی داعشی ڕووەش دان و شەڕڤانەکێمان ماشینیۋی بۆمبکریاشان تەقنانەۋە و ۷۰۰ مەترێ ۋەرڕەۋیشان کەردەن و دمای جەنگی فرە قورسی ۸  خاڵێ سەربازیێ چەتەکانشان ڕزگارێ کەردێنێ و دەستشان گێرتەن سەرو بڕێ چەک و تەقەمەنی-ـەرە.

بە گردی جە شکستدای هێرشەکانو داعشی و جەنگ چەنی چەتەکانشان زیانەکێشان پی جۆرە بیێنێ:

۲۹ چەتێ تەرۆریستێ کوشیێنێ

۱۷ خاڵێ سەربازیێ ڕزگارێ کریێنێ

۳ ماشینێ، ۳ ماتۆڕسکلێتێ بۆمبکریێ و هەمبارێۋی پەڕ تەقەمەنی و ناوەندێۋی یاۋنەری تەقیێنێ، بڕێۋی فرە چەک و جبەخانەی سەربازی دەستش گیریان سەرەرە.

هاموەخت فڕۆکە جەنگیەکێ هامپەیمانی میاندەوڵەتی دژ بە داعشی، ۱۲ جارێ بۆردومانو چەتەکانشان کەردەن.