جە زیندانەنە سباحەت تونجه‌لە و ١٤ ژنی مانشان جە واردەی گێرت

جە زیندانەنە هامسەرۆکەو دەبەپەی سەباحەت تونجەلە و ۱٤ ژەنی تەرێ دژ بە گۆشەگیرکەردەی ڕێبەر ئۆجالانی مانگێرتەی ۱۰ ڕۋەیشان دەست پنەکەرد.

جە زیندانو كاندیرای سەر بە شارو كۆجالی تورکیای، هامسەرۆکەو پارتو هەرێمە دیموکراتیەکانی (دەبەپە) سەباحەت تونجەلە و ۱٤ ژەنی زیندایێ تەرێ پەی پەشتیۋانی کەردەی جە مانگێرتەی لەیلا گیوڤەنێ، کە دژ بە گۆشەگیرکەردەی ڕێبەر ئۆجالانی ۲٤ ڕۋێش پەڕکەردەنەۋە، مانگێرتەیشان دەست پنەکەرد. ئاشکرا کریا، مانگێرتەکەی ۱۰ ڕۋێ بەردەۋام مەبۆنە و پەشتیۋانی جە داۋاکاری لەیلا گیوڤەنێ مەکریۆنە، کە وێش جە (کۆتایی ئاۋردەی بە گۆشەگیری ئیمرالی و ئازادی ڕێبەر ئۆجالانی) مەیۋینۆۋە و ۋاچیان: "داۋاکاری لەیلا گیوڤەنێ داۋاکاری ئێمە و ملیۆنان کەسێ تەرین و ئازادی ئۆجالانی پەی بەدی-ئامای ئاشتیی، ئازادیی، دیموکراتیی گرنگەن. ئینە ڕاستیێ مێژوویی و لۆژیکین و مشیۆم کۆتایی بە گۆشەگیری ئیمرالی باۋریۆنە و مەرجەکێ ئازادی، ئاسایشیی و تەندروستی ڕێبەر ئاپۆی فەراهەمێ بکریانە". 

سەباحەت توجەلە و ۱٤ ژەنە مانگێرەکێ تەرێ بانگەۋازی جە ژەنێ، گەنجێ، سەرجەم کوردی ودیموکراتیۋازەکانی مەکەرانە تا پەشتیۋانێ داۋاکاریەکەیشان ببانە و کۆشایشی ئازادی زیاتەر جە ۋیەردەی گەشتەر بکەراۋە.