جە شارو ستراسبۆگ-و فەڕەنسای چالاکی ئێشکگێرتەی پەی ئازادی "عەبدوڵا ئۆجالان، ڕێبەرو گەلو کوردی" ۳۲۲ هەفتێن بەشێۋازی نۆبەتی بەردەۋامیش هەن. نۆبەگێرێ و ئێشکگێرێ ئی هەفتەیە دەستێ جە وڵاتپارێزانو شارو پاریس-یەنێ و چالاکییەکەشان جە چالاکوانانو شارو هەلبۆرن-و ئەڵمانیا وەرگێرتەن. 

بەشداربیەکێ ئی هەفتەیە "نەجمەدین دەمیراپ، شیناسێ یوکسەل، فەرهاد گوموشبوگا و ڕەمزی ئاکتان"، ئاشکراشان کەردەن: پەی خاۋەنداری-کەردەی جە ڕێبەر ئۆجالانی بەشدارێ چالاکییەکەی بیێنمێ، چونکە خاۋەنداری-کەردەی جە ئۆجالانی خاۋەنداری-کەردەیەن جە وێ و جە کوردستانی.
  
هەرپاسە چالاکی ئێشکگێرتەی کە بە شێۋازی نۆبەتی ئەنجام مڎریۆنە، بە مێژوویی بەنامێ کریا و ۋاچیان: تا ئازادی ئۆجالانی چالاکییەکە دژێژەش هەن و مشیۆم جە زووتەرین وەختەنە دیدار و چەمپنەکەوتەی چەنی ئۆجالانی ئەنجام بڎریۆنە و چارەنویسش ڕۆشن بکریۆۋە.

چالاکی ئێشکگێرتەی 'ئازادی پەی ئۆجالان'ی جە ٢٥و حوزەیرانو ٢٠١٢ی جە وەردەمو کۆنسەو ئەوروپای جە ستراسبۆرگ دەستش پنەکەردەن و زیاتەر جە ٦ساڵێن درێژەش و هەر هەفتە گروپێ و دەستێ جە کوردان و دۆستەکاشان جە ئەستۆش مەگێرانە.