۳ مین فێستیڤاڵو میانەتەوەیی فیلمو سلێمانیێ کە هەفتێۋە بەردەۋام بێ و جە میانشەنە ۱۲۲ فیلمێ جۆراوجۆرێ جە ٥۲ وڵاتێ جیهانی بەشدارێش بیێ و فیلمەکێ جە ٤ هۆڵێ سینەمایەنە ۋزیێ سەرو پەردەی، هیزی ۳ شەممە بەبەخشای خەڵاتی بە فیلمە بەشدارە سەرکەوتەکان کۆتاییش ئاما. پەی فەستیڤاڵەکەی زیاتەر جە ۲۰۰ مێمانێ جە وڵاتانو جیهانی داۋەت کریێ-بێنێ و هەزاران کەسێ دلێ وڵاتیچ بەشدارێ فەستیڤاڵەکی و ۋینەرێ فیلمەکانش بێنێ.

فێستیڤاڵەکە جە ١٠-و ئی مانگێ جە تەلارەو هونەری دەستش پنەکەردەبێ و جە ٦ ڕۋێ  کار و چالاکییەکانشەنە، ٤۰ کوڵە فیلمێ، ۱٤ درێژە فیلمێ، دەیان دیکۆمێنتاریێ و ئەنیمەیشنێ و چەندیین سمینارێش جە وێ گێرتەبێ.

یەکەم فیلم کە نمایشش کریابێ فیلمو "کناچانو ڕۆی (Girl of the sun)ی بێ کە بەرئاۋردەی خاتوو "ئیڤا هوسۆن"ی فەرەنسی بێ و ڕۆڵگێڕەی سەرەکیش ئەکتەرەی نامییەو ئێران و جیهانی خاتوو "گولشیفتە فەراهانی"یەنە. فیلمەکە کە بەچڵەڕێزان و فرە بەگەرمی پێشوازیش ۋنە کریا، باس جە ژەن و کناچانو کوردی جەشەنگال و ڕۆژئاڤاو کوردستانی و جەنگ و مدرامانیشان دژە بە داعشی مەکەرۆنە.

یۆتر جە فیلمە بەشدارەکان کە بی بە مایەو پێشوازی گەرمی و؟سەنجێ جە فەستیڤاڵەکەنە فیلمو "۱٤ تەمووزی" بێ کە جە بەرئاردەی "هاشم ده‌میر"-یەن و باس جە مدرامانی مێژوویی زیندانو ئامەدی و پێشەنگانو پەکەکەی جە زیندانەکەنە دژ بە فاشیزمو تورکیای مەکەرۆنە.

هاشم ئایدەمیری بەرئاۋەری سینەمایی جەی بارەۋە بە ئاژانسەکێمان فوڕات نیوزیش ۋات: "فرە شادمانەنان پا پێشوازیە گەرمەیە کە جە فیلمەکەیم کریا و ۲ جارێ نیمایش کریا. جە کۆ ۱٤ درێژە فیلمان کە بەشدارێ فێستیڤاڵی بیێبێنێ، تەنیا فیلمەکەو؟ئێمە کوردی بی و ئەۋێ تەرێ میاننەتەوەیی بێنێ. بەڵام سەرەڕا ئانەیە شایستەو خەڵاتی نەۋینیا. ئانێچەسەلمناش سینەمای کوردییە ئینا کێشەنە". 

زۆرترین خوێندراو