ئارۆ یەک شەممە، جە ۋەردەمۊ سەرۆکایەتیی شارەۋان سلێمانیێ-نە، دژ بە زیاڎکەردەو ات و سەعاتێ دەۋامی هەرمانبەرێ شارەۋانیەکەی مانشان جە دەۋامی گێرت. مانگێرەکێ ئاشکراشان کەردەن: وەڵتەر هەفتانە ۳ ڕۋێ جە سەعات ۸:۰۰ سەرسەبای تای ۱۲:۳۰ دەیەقێ نیمەڕۆی دەۋامشان کەردەن، بەڵام ئیستە دەۋام کریان بە ٤ ڕۋێ و جە سەعات ۱۲:۳۰ دەیەقێ نیمەڕۆی تا ۱۳:۳۰ دەیەقێ دما نیمەڕۆی درێژ کریانەۋە و یانی ۱ ڕۆچ و ٦ سەعاتێ دەۋام زیاڎش کەردەن، بە بێ ئانەیە فاڕیای سەرۊ (مووچە)یەرە بەیۆنە.

هەرمانبەرەکێ بە ڕۆژنیوزی-شان ۋاتەن: زیاڎکەردەی دەۋامی جە وەختێۋەنە کریان، کە مووچە جە کاتو وێشەنە بە هەرمانبەرەکان نەمڎریۆنە و بەشێۋ جە هەرمانبەرەکان ڕاشان دوورەنە و بارگرانی زیاتەرشان پەی درۊست مەبۆنە. پۆکەی داۋاشان جە سەرۆکایەتیی شارەۋانی سلێمانیێ کەردەن، تا بڕیارەکەی هۆربشانۆۋە.

سەرۆکایەتیی شارەۋانی سلێمانیێ داۋاش جە هەرمانبەرە مانگێرەکان کەرد، تا بە گفتوگۆ کێشەکەی چارەسەر بکەرانە و بگێڵاۋە سەرۊ دەۋامی. بەڵام هەرمانبەرەکێ جەختشان کەردەنەۋە، تا  ئاکاتە کە بڕیارەکە هۆرنەشنیۆۋە، نمەگێڵاۋە سەرو هەرمانەکێشان.