جە شارو سەردەشتی کە سەر پارێزگەو ئورمیە-و وەرهۆرزو کوردستانیەن، بەنام دادگاو ئینقلابی ئیسلامی ئێرانی، ۱٥ هاموڵاتیێ کوردێ کە بەناچاری و جە هەژاریەنە پەناشان پەی کۆڵبەری بەردێنە سزای قورسش دێ. زانیا، بە گردی ۹ ساڵێ زیندانی و سزا زەڕی کە نزیک بە ۱۲٥ ملیۆن تومانێن پەی کۆڵبەرەکان بڕیانەۋە.

هەفتێ جەی وەڵتەر "حسێن زولفەقاری"" یاگەگیرو وەزیرو دلینو ئێرانی کۆڵبەرێش بە قاچاخچیێ و تێکدەرێ بەنامێ کەردێبێنێ و کوشتەیشان جە سنورەکانە ڕەوا نیشانە دابێ. ئانێچە هاندەر بییەن  پەی هێزە ئەمنیەکانو ئێرانی تا زیاتەر جە جاران بێباکانە تەقە جە کۆڵبەرە کوردەکان بکەرانە و بکوشانەشان و دادگاکێ ئێرانی سزای قورس پەی ئا چینە هەژارەیە ببڕاۋە.