دلێگەو یاۋنەری و چاپەمەنی هێزەکا پارێزنای گەلی-هەپەگەی، بە ۋەڵاکریێۋ زانیاریش جە بارەو چالاکیەکا گەریلاکاشا دان و ئاشکراش کەرەدەن:

۲۳ تەمووزی سەعات ١٥:٣٠ دەیەقێ دمانیمەڕۉی، جە دەڤەرو شەهید سەرحەدی کە سەر بە ناوچەو شەمزینان-و پارێزگەو جۆلەمێرگ-یەن، گەریلا بە چەکی نیشانگێر چالاکیش ئەنجام دان و جە ئاکامشەنە ۱ سەرباز کوشیان.

هەمان ڕۆچ سەعات ١٨:٤٥ دەیەقێ ئێۋارەگای، بەڵام جە کەشو گۆڤەندو جۆلەمێرگی، گەریلا هێزە داگیرکەرەکێ تورکیاش کەردێنێ ئامانج و گورزی فرە قورسش دێنێ ۋنە، جە ئەنجامشەنە لانی کەم ۷ سەربازێ کوشیێنێ.

هەمان ڕۆچ دیسان جە سەعات١٧:٥٠ دەیەقێ ئێۋارەگای، بەڵام جە لێلکان-سیدەکان-و پانیشتو کوردستانی، گەریلا جە ٦ قۆڵێۋە دانشا ملو سەربازە داگیرکەرەکا تورکیایەرە و گورزی فرە قورس و گرانشانشا دێنێ ۋنە، جە ئاکامشەنە لانی کەم ۱٥ سەربازێ کوشیێنێ.

سەعات ۱۸:۱٥ دەیەقێ ۋێرەگای جە چەڵێ جۆلەمێرگی، گەریلا دانش ملو سەربازگەو گێمان-یەرە و زرێپۆشێۋشا دلێنە بەردەن و لانی کەم ٥ سەربازە چەتێ کوشێنێ.

سەعات ۱۹:۳۰ ۋێرەگای جە بایزیدو ئاگری، گەریلا جە ۳ قۆڵێۋە چالاکیش دژو سەربازگەو کۆزیلی ئەنجام دان. جە چالاکیەکەنە هەری کەم ۷ سەربازێ کوشیێنێ و ٦ی تەریچ بریندارێ بیێنێ.