جە شەنگال گۆڕێۋە بەکۆمەڵە ئێزیاۋە
جە نزیک شارچەو تەل عوزێری کە سەر بە شەنگال-یەن گۆڕێۋە بەکۆمەڵە ئێزیاۋە کە سەرجەم قوربانیەکێ دلێش بە فیشەکێ کوشیێنێ.
ئارۆ شەممە جە نزیک ناحیەو تەل عوزێری، کە سەر بە شارو شەنگال-و هەرێمو ئێزیدخان-یەن، گۆڕێۋە بەکۆمەڵە ئێزیاۋە.
جەی بارەۋە شەکر مەلیحمەڤ ڕاۋەبەرو ناحیەکەی ئاشکراش کەد: "ۋەڵتەر زانیاریمان پنە یاۋابێ کە ۲ گۆڕێ بە کۆمەڵێ جە ناوچەکەمانە هەنێ. پۆکەی پەیجۆریمان پەی کەردێ و دەرەنجام ئارۆ جە حەوزو ئاۋو مەلەکی یۆ جە گۆڕەکانمان ئێستەۋە، کە ژمارێۋ تەرمێش چنە بێنێ و شیمانە مەکەرمێنە ٥ تا ۸ تەرمێ ببانە. پێمان ئاشکرا بییەن سەرجەم قوربانیەکێ دلێ گۆڕەکێ بە فیشەک کوشیێنێ".
شەکر مەلیحمەڤ ۋاتیچش: "جە ئیسەنە پەی گۆڕەکێ تەرێ مەگێڵمێنە و پەیجور و ونەکۆڵایمان دەست پنەکەردەن و کێ زانیاریش هەن با هامکاریمان بکەرۆە ".
