جە عەفرینی داگیرکرایا، جە بەردەۋامی دووەمین قۆناخ جە مدرامانو سەردەمی، شەڕڤانەکێ یەکینەکانو پارێزنای ژەنێ-یەپەژە و یەکینەکانو پارێزنای گەلی-یەپەگە، درێژە بە چالاکییەکانشان دژ بە سپا داگیرکەرەکەو تورکیای و تاقمە چەتە نوکەرەکانشان مڎانە.

جەی چوارچێۋەنە جە ناوچەو شێراۋای زنجیرە چالاکیشان ئەنجام دان و جە ئاکامشەنە چندین سەربازێ و چەتێ کوشیینێ و چندینی تەرێچ بریندارێ بیێ. ئاشکرا کریا، کە جە چالاکیێشانە، ماشینێ سەربازی دوژمنی دلێنە بریان و سەرجەم سەرنشینەکێش کوشیێنێ. هاموەخت جە چەلاکیێ تەرەنە، بڕێۋی فرە چەک و جبەخانەی سەربازی دەستش سەرەرە گیریان.

یاگێ ئاماژەیەنە کە جە دمای داگیرکەردەی عەفرینی، هێزەکانو پارێزنای گەلی یەپەگە و هێزەکانو پارێزنای ژەنێ یەپەژە، ئاشکراشان کەردەبێ، کە قۆناغی دووەم جە مدرامان "بەرخۆدان"و سەردەمی دەست پنە مەکەرانە و سەربازێ و چەتە داگیرکەرەکانو تورکیای و هامکارەکانشان جە عەفرین مەکەرانە ئامانج و تۆڵە جە داگیرکەری و هامکارەکانش مەکەراۋە، چا وەختۋە تا ئیسە یەپەگە و یەپەژە سەدان چالاکیشیان ئەنجامێ دێنێ، کە بە هۆشانەوە سەدان چەتێ و سەربازێ تورکیای و هامکارەکێشان کوشیێنێ و سەدانی تەریچ بریندارێ بیینێ.
 

ت