میانگەو یاۋنەری و چاپەمەنی هێزەکێ پارێزنای گەلی-یەپەگەی جە ۋەڵاکریێۋی لەشکریەنە ئاشکراش کەرد: جە بەردەۋامی دووەمین قۆناخ جە مردامانو سەردەمی جە عەفرین، شەڕڤانەکێ یەپەکەی و یەپەژەی ۳ چالاکیێشان دژ بە هێزە داگیرکەرەکانو تورکیای ئەنجامێ دێنێۋە و گورزی قورسی گیانی و مادیشان جە دوژمنی دانەۋە. 
میانگەو یاۋنەری و چاپەمەنی یەپەگەی سەبارەت بە وردەکاری چالاکییەکان ئی زانیاریشە دێنێ:

"جە ۰٥/۱۲/۲۰۱۸ی، جە گەڕەگ-و مەحمودییەی دلێ شارو عەفرین-یەنە، شەڕڤانەکێ یەپەگە و یەپەژەی دژ بە سەرچەتە حەمزە قەرهان کە سەر بە تاقمە چەتەکێ سوڵتان موراد-یەن، چالاکیشان ئەنجام دان و جە ئاکامەنە نامبریا و شۆفێرەکەش کوشیێنێ و ماشینەکەش دلێنەبریان. هەمان ڕۆچ جە جادەو ڕاجۆ-عەفرینی دژ بە سەرچەتە عەبدوڵا زرب-ی کە سەر بە تاقمە چەتەکێ لیوا ئەلشیمال-یەن، چالاکی ئەنجام دریان و جە ئەنجامشەنە نامبریا کوشیان و ماشینەکەش دلێنەبریان. دیسان جە هەر هەمان ڕۆچەنە جە جەندرێس شەڕڤانێ یەپەگەی و یەپەژەی دژ بە تاقمە چەتەکانو فەیلەق ئەلشامی چالاکیشان ئەنجام دان و دەرەنجامشەنە گورزی قورس جە بنکێۋی سەربازیشان دریان و ۲ چەتێ کوشیێنێ و ۲ تەرێ بریندارێ بینیێ".