جە قارس ٧ سه‌ربازێ کوشیێ و جە شەمزینان و قسلە گورز جە دوژمنی دریا

هەپەگەی ئاشکراش کەرد، جە قاقزمان-و پارێزگەو قارسی جە چالاکی گەریلایەنە ٧ سه‌ربازێ تورکیای کوشیێنێ و جە شەمزینان-و پارێزگەو جۆلەمێرگی و جە قسڵە--و پارێزگەو دێرسیمی گەریلا گورزی قورسش جە دوژمنی دان.

دلێگە (ناوەند)و یاۋنەری و چاپەمەنی هێزەکانو پارێزنای گەلی-هەپەگە، جەی بارەۋە ۋەڵاکریاش دان و ئاشکراش کەردەن:

١٦و ئابی سەعات ٧و سائبی، جە دەڤەرو گۆڤه‌ندی کە سه‌ر به‌ ناوچەو شه‌مزینان-و پارێزگەو جۆله‌مێرگ-یەن، گەریلا هێرشش دژ بە سەنگەرەکانو سەربازە داگیرکەرەکانو تورکیای جە بەرزایی "دەریێ پانێ" ئەنجام دان و گورزی فرە قورسش ۋنە دێنێ. بەڵام سەبارەت بە زیانە گیانی و مادیەکان زانیاری تەمام بەدەست نەۋزیان.
 
١٣و ئابی جە ده‌ڤه‌رو كزل كیلیسه‌-ی کە سه‌ر به‌ ناوچه‌و قاقزمان-و پارێزگەو قارس-یەن و هامسنورەن چەنی ئەرمینیای و جۆرجیای، سپا داگیرکەرەکەو تورکیای ئۆپەراسیۆنش ئەنجام دابێ. سەرسەبای ۱٤و ئابی دوژمن بە فڕۆکێ و هەلیکۆپتەرێ جەنگیێ ناوچەکەش بۆردومان کەردەن. ۲ یەکینێ دوژمنی کە گەرەکشان بێ بیاۋانە دەڤەرێ بە نامێ کەڤرێ قوڵی، جە دمانیمەڕۆنە گەریلای جە ۲ قۆڵێۋە کەردێنێ ئامانج و جە ئاکامشەنە لانی کەم ۷ سەربازێ داگیرکەرێ کوشیێنێ و دەرەنجام جە ۱٥و ئابی، دوژمنی ئۆپەراسیۆنکار  ناچار بە پاشەکشێ کریان.

۱۳و ئابی جە ناوچەو باگۆکێ کە سەر بە پارێزگەو مێردین-یەن، دوژمن بە پەشتیۋانی فڕۆکەی بێفڕۆکەۋانی ئۆپەراسیۆنی فراۋانش ئەنجام دان، بەڵام جە ۱٦و ئابی بێ بەدەست ۋستەی ئەنجامی دمارە گێڵانەۋە.

٦و ئابی جە دەڤەرو دەشتێ کە بە ناوچەو قسڵە-و پارێزگەو دێرسیم-یەن، گەریلا و دوژمن ڕووبەڕووێ بیێنێ و گژیێنێ و گورزی فرە قورس جە دوژمنی دریان و ژمارێۋی فرێ سەربازێ کوشیێنێ و بریندارێ بیێنێ. بەڵام جەی بارەوە ئامارێ ورد و دروست بەدەست نەۋزیان. جە ڕووبەرووبیەکەیەنە ۱ گەریلا جە دمای جەنگ و مدرامانی قارەمانانەی شەهید بیەن، کە دماتەر شناسنامەکەش ئاشکرا مەکریۆنە.