جە مەریۋان شەۋەکۆبیەی ئەدەبی بریاڕاۋە

جە "کافە کتێب"و شارو مەریۋانی نۊتەرین کتێب-و فەرشید ڕۊستەمی قسەوباسی ئەدەبیش سەر کریا.

جە "کافە کتێب" و شارو مەریۋانی، شەۋەکۆبیەی ئەدەبی بریاڕاۋە و ژمارێۋ ڕۆشنۋیرێ، ئەدیبێ، شاعرێ و ڕەخنەگێرێ و هۆگرێ ئەدەب و وێژەی هەورامی بەشدارێش بیێ.

جە شەۋە کۆبیەکەنە، نۊتەرین کتێب-و فەرشید ڕۊستەمی شاعر و نویسەری جەوان بەنامێ "شیرز یانی من، دنیا ئه‌فغانستان" ۋزیا ۋەرۊ ڕەخنە و باسی و گفتوگۆی ئەدەبیش سەر کریا. هەر یۆ جە مه‌هدی ئه‌بری، شاعر و ئه‌ندام جە ۋیرچه‌مه‌و هۆرامانی، عادڵ محه‌مه‌د پوور(نویسه‌ر و ڕەخنەگێر ئه‌ده‌بیاتو هەورامی) ئه‌ۋه‌وانا و ڕەخنەی ئەدەبی وێشان بە شێۋازی تیئۆریک سه‌رو کتێبه‌که‌ی ۋست ڕووە. شۆنیشارە حوسه‌ین وه‌فایی، باسش جە که‌سایه‌تی نویسه‌ری کەرد، که‌ فره‌ته‌ر باسەکەش هۆرسەنگنای باری ره‌وانشناسی بێ.

جە قسەو باسەکانو شەۋەکۆبیەکەنە، بە گردی ئاماژە پانەیە دریا کە نویستەو کتێبەکەی هه‌نگامێ گه‌ورێنه‌ په‌ی دەوڵەمەنڎکەردەی فه‌رهه‌نگ و زۋانی هۆرامی بە تایبەتی جە بوراو "شێعره‌ی نۊ"یەنە و ستاییش و سپاسگۊزاری ئاڕاستەو نویسەری کریا.