ۋێرەگاو ئارۆ یەک شەممەی، جە شارو هەولێر-و پایتەختو پانیشتو کوردستانی، چالاکۋانێ، مامۆستێ، ڕۆچنامەۋانێ و هامۋڵاتیێ شارەکەی بە دروشمو "ئێمە شۆڕشگێڵەکانمان نمەۋرەشمێنە" وێنیشاندای و ڕاپیمایی و کۆبییەیشان دژ بە بڕیارکەو ئەمەریکای ئەنجام دا.

بەشداربیەکێ تا ۋەردەمو کۆنسوڵگەری ئەمەریکای جە عەین-کاوە ڕاشان پیما و چاگە کۆبیێۋە و بەیاننامەشان ۋەندەۋە. جە بەیاننامەکەنە دەستنیشان کریابێ کە، بڕیارو ئەمەریکای دژ بە ڕێبەران و پێشەنگەکانو پەکەکەی و کەجەکەی و جمیەرو ئازادی کوردی فرە هەڵەن و خزمەتکەردەیەن بە داعشی و درێژەدایەن بە گەلەکۆمەی میاندەوڵەتی کە دژ بە ڕێبەر ئۆجالانی ئەنجام دریا بێ. هاموەخت بڕیارەکە بەرۋزۆ دژایەتیکەردەی داگیرکەران و سیستەمی جیهانییەن ۋەراۋەر بە کوردی و دەستکەوتەکانش جە ناوچەکەنە.

هەرپاسە داۋا جە لایەن سیاسیی و مەدەنیی و چینە جیاۋازەکانو گلێرگەی جە کوردستان و ناوچەکە و جیهانیەنە کریا، تا دژو بڕیارەکەی بمدراۋە و بێکاریگەر و پاسیڤش بکەراۋە. داۋا جە ئەمەریکای کریا بڕیارەکەیش سەرڕاست بکەرۆۋە و نەبۆنە بە هامکارو سیاسەتە دژە کوردەکانو ڕژێمە داگیرکەرەکەو تورکیای و ئەردۆغانی کە ئاڎێ تەرۆریستی ڕاستەقینێنێ و پەشتیۋانکەرێ داعشی و تەرۆریەنێ جە ناوچەکەنە.