ئارۆ جە شارو ڕێمێلانی کە سەر بە هەرێمو جزیرەو ڕۆژئاڤاو کوردستان-یەن، تەڤگەر (جمیەر)و گلێرگەی دیموکراتی (تەڤ-دەم) ۳مین کۆنگرەی ئاساییش بەست.جە کۆنگرەکەنە، کە جە ناۋەندو کلتوری ئارام تیگرانی بریانڕاۋ، سەرەڕا  ئەندامانو تەڤدەمی، نمایندێ پارت و لایەنە سیاسی و مەدەنیەکان و هۆز و تیرە و عەشیرەتەکانو کوردستانی و سوریای و ژمارێۋ جە دەزگانو یاۋنەری وێمانێ و بیانیێ بەگردی ٥۰۰ کەسێ ئامادێش بێنێ. 

کۆنگرە بە یادکەردەی جە شەهیدانو ڕا ئازادی دەستش پنە کەرد و دماتەر هامسەرۆکایەتی ڕاۋەبەری هەرێمو جزیرەی، پەیامش پێشکەش کەرد. شۆنیشەرە ئاڵدار خەلیل و ئاسیا  عەبدوڵا، هامسەرۆکێ تەڤدەمی قسێشان کەردێ و سەرەنجەشان ۋستە سەرو بارودۆخ و ڤیەرەکان و ئاژەو ئیسەی جە کوردستان و سوریا و وەرهۆرزی میانی و هەڵوێست و ۋرپرسیاری تەڤدەمی جە ۋیەردە و ئیسەنە هۆرسنگیا.

هەرپاسە ڕاپۆرت و ڕانمایی کۆنگرەی ونیاۋە و گفتوگۆ سەرو کێشەکان و ئاژەو ئارۆ کوردستانی و سوریا و ناوچەکەی کریا و چارەسەری ۋزیا ڕووە و کار و خەباتو تەڤدەمی هۆرشەنگنایش پەی کریا.

دماتەر هۆرۋجنای کریا و ئەندامانو دەستەو ڕاوەبەری و هامسەرۆکێ تازێ تەڤدەمی هۆرۋچنیێ. شۆنیشەرە ئەنجامنامە پەی ڕاوگشتیی ئاشکرا کریا، کە دڵێشەنە ئامابێ:

جە کۆنگرەنە پەیڕەوکەردەی جە "نەتەوەی دیموکراتی و خەتێ یەرەمە جە ململانێ و ناکۆکییە سوری و هەرێمیەکانە ڕاست و دروست وینیا و سەلەمناش کە ڕای ڕاستەمان گێرتێنەوەر.

هاموەخت پێوەرە ژیۋای گەلانی و چینەکان و باۋەڕیەکانو گلێرگەی، خەباتی مەدەنی و ڕێکۋستە مەدەنیەکان، بەرژەوەندی گەلی و گشتیی، فرە ڕەنگی و فرە حزبی، ماف و ئازادی مرۆڤی و چینە جیاۋازەکانو گلێرگەی پێسەو ۋیەردەی جەختشان سەر کریاۋە و بە بنەمای سەرەکی پەی سیستمی دیموکراتی و مۆدێرنی بەنامێ کریا.
 
کۆنگرە بڕیارش دا:

کار بکرێۆنە پەی چارەسەری کێشەکان کە هۆکارێنێ پەی کۆچبەری و کۆچبەری سنوردار بکریۆنە، کە بەگشتی پەی چینە جیاۋازەکانو میسۆپۆتامیای و بەتایبەتی گەلو کوردی مەتەرسیەن، کار پەی ئەۋەگێڵایشان بکریۆنە.

ڕۆڵی زیاتەر و کاراتەر بە گەنجانی و ژەنێ بڎریۆنە و پێشەنگی گلێرگەی بکەرانە.

جەخت جە بەستەی کۆنگرەی نەتەوەیی کوردستانی و وەلانیای ناکۆیەکان و یەکێتی گەلو کوردی و گەلانو ناوچەکەی کریاۋە.

جەخت کریاۋە جە کەردەیی-کەردەی بڕیارەکانو کۆنفەڕانسو ئازادکەردەی عەفرین و ئەوەگێڵای خەڵکەکەیش.

جە کۆتایی کۆنگرەیەنە، هۆرۋجنای پەی دەستنیشان-کەردەی ئەندامانو دەستەو ڕاوەبەری و هامسەرۆکێ تازێ تەڤدەمی کریا و ٦٤ ئەندامێ کە ۳۲ێشان ژەن-یەنێ پەی دەستی ڕاۋەبەر هۆرۋچنیێ. هاموەخت زەلال جگەر و غەریب حەسۆ بە هامسەۆکێ هۆرۋچنێی.