جە شارو ڤییەناو پایتەخو نەمسای بە سەرپەرشتی ناوەندو دیموکراتیی کوردی (نەجەدەکە -NCDK)، دژ بە گۆشەگیری ئیمرالی و چارەنویس نادیاری عەبدوڵا ئۆجالان ڕێبەرو گەلو کوردی چالاکی ئێشکگێرتەی "ئازادی پەی ئۆجالان"ی دەستش پنە کەردەن.

(نەجەدەکە -NCDK) ئاشکراش کەرد: "چالاکییەکە دۋێ مانگێ خاینۆنە و گرد شەممە و یەکششەمەو هەفتەی جە سەعات ۱٤:۰۰ دمانیمەڕۆی تا سەعات ۱۷:۰۰ سەرۋێرەگای جە ۋەردەمو تەلارو (کارڵ پلاتز ئۆپێرای) ئەنجام مڎریۆنە".

جە یەکەم هەفتەشەنە جمیەرو ژەنان-و ئاڤێستای چالاکییەکەی جە ئەستۆ مەگێرۆنە و دماتەر هەر هەفتێۋ دەستێ و گروپێ جە کوردان و دۆستەکانشان چالاکییەکەی جە ئەستۆ مەگێرانە وئەنجامش مڎانە.

سەبارەت بە چالاکییەکە و هۆکارەکێ ئەنجام-دایش عوسمان یڵدرم بە نامێ (نەجەدەکە -NCDK) ۋاتش: "۲۰ ساڵێن ڕێبەر ئۆجالان بە گەلەکۆمێۋی میاندەوڵەتی دیل گیریان و جە ئیمرالی گۆشەگیر کریان و مافە مرۆیی و یاسایەکێش پاشێلێ کریێنێ و ۲ ساڵێ زیاتەرەن چارەنویش نادیارەن و هیچ هەواڵ و زانیاریێ دەربارەش نییەن. پۆکەی مشێۆم کوردێ و دۆستێش دژ بە گۆشەگیریەکەی و پەی ڕۆشنکەردەی چارەنویسیش مێڎانەنە بانە و خاوەنداری جە ڕێبەر ئاپۆی بکەرانە".

شەممەی ئایندە ۲۸و ئۆکتۆبەری، چالاکییەکە جە لاو جمیەرو گەنجانیەۋە جە ئەستۆ مەگیریۆنە.