جە گەڤەر ٥ سەربازێ سپا داگیرکەرەکەو تورکیای کوشیێ

جە گەڤەر/جۆلەمێرگ گەریلاکێ هەپەگەی و یەژەئاستاری دژ بە سپاداگیرکەرەکەو تورکیای چالاکیشان ئەنجام دان و جە ئاکامشەنە لانی کەم ٥ سەربازێ کوشیێنێ.

سەرجەمە هەرێمیەکێ جە ناوچەو گەڤەری سەر بە پارێزگاو جۆلەمێرگ-ی ئاشکراشان کەردەن: "جە بەرزایی عەلی شێری، ژەنە گەریلاکێ یەکینەکێ ژەنێ ئازادێ (یەژەئاستار - YJA-STAR)ی و گەریلاکانو هێزەکانو پارێزنای گەلی (هەپەگە-HPG)، دژ بە سپاداگیرکەرەکەو تورکیای چالاکیشان ئەنجام دان و گورزی فرە قورشان جە سیپێ و سەنگەرەکێ دوژمنی دان. جە چالاکییەکەن ئانڎە کە زانیان لانی کەم ٥ سەربازێ کوشیێنێ و ژمارێۋی تەر بریندارێ بیێنێ".

بە قسێ سەرچەمە هەرێمیەکان: "دما بەدمای چالاکییەکەی دوژمن بە گوترە و بێسەروبەر ناوچەکەش تۆپۋران و گوللەۋاران کەردەن و ئانێچە زیانی مادووییش بە دەگانشینەکان و ژیاگەی یاونان".

کەمێ جەی وەڵتەر میانگەو یاونەری و چاپەمەنی (هەپەگە-HPG)ی بە ۋەڵاکریای لەشکری چالاکییەکەش پەشت ڕاست کەردەۋە.