ئارۆ چوارشەممە ۰۸/۰۸/۲۰۱۸ی جەشارو خورماڵی کە سەر بە پارێزگەو هەڵەبجە-یەن، سەنتەر گەشەپنەدای چالاکی لاۋا، هوٙرئیٛست بە سازکەردەی دیدارێ تایبەتێ پەی هوٙنیاری کوٙچکەردە و نامی هەورامانی (ئیبراهیم عبدالکریم-ئەشناسیا بە یاوەر هەورامی). 

جە دیدارەکێنە کە جە هۆڵ-و گوڵعەنبەری بریاڕاۋە، ژمارێۋی فرێ ئەدیبێ، ڕوٙشنۋیرێ و هاموڵاتیێ ئامادێش بیێ، ژیواینامەو یاوەر هەورامی ونیاۋە و باس جە بەرهەم ئەدەبیەکاش کریا و بەرهەمێۋی تازەش بەنامێ (محەمەد، سالاری مەدینە) ۋەڵاکریاۋە.

جەدمایی دیدارەکێنە، ڕێز جە خانەوەدەو ڕەوانشاڎی نریا و جە لاو شاعر ونویسەرو هەورامانی (م. جەمال بیٛدار)ی خەڵات کریێ.

یاگیٛ باسکەردەیەن، ڕەوانشاڎ یاوەر هەورامی، زیاتەر جە ( 15 ) بەرهەمیٛ چاپکریٛش هەنیٛ و چنڎ بەرهەمیٛش مەنیٛنیٛ کە چاپ کریانە و خزمەتیٛ فرەش بە ئەدەب و شعرو هەورامانی و کوردستانی کەردەن و دەسی باڵاش بیەن جە ژیۋنای زۋانی ئەڎایی  هەورامیەکانە.

یاوەری کۆچکەردە، جە بابەتەکاشەنە فرە گرنگیش دا بە، زۋانی هەورامی، ئاین، نیشتیمانپەرۋەری، پەروەردە، سروشت و ژیۋگەپارێزی، بەداخەۋە جە ۲٦/۰٤/۲۰۱۸ی جە مەراسیمیٛ تایبەنە کە پەی شەهیدا ئەنفال و خورماڵیٛ سازکریابیٛ دمای وانایوٙ شعرێۋی بە نونگە(سەکتە)و دڵی کۆچی دمایشش کەرد.

ڕیٛباز گوڵپی / شارو خورماڵی
فوٙتوٙ : شەماڵ
سەرچەمە: هەورامان نێت