جەی بارەۋە تۆڕو مافەکا مرۆڤو کوردستانی ئاشکراش کەردەن: هیزی یەکشەممە، پاسەوانەکێ زیندانو شارو خوی کە سەر بە پارێزگەو ئورمیە-یەن، جە ژوورێۋەنە مۆبایلێۋشا ئێستەنەۋە، سەرو ئانەیە سزاشا سەپنێرە ملو گردو زیندانیەکارە و بێبەشێشا کەردێنێ جە مافە یاسایەکاشا و دیدار چەنی خانەوادەکاشا. 

دژ بە پانەیە، زەینەب جەلالیان-ـە، ژەنە سیاسیەو کوردی کە زیندانی هەتاهەتایش پەی بڕیانەۋە و باری تەندروسیتیش خراپەن و ۹ هەمزیندانیش جە زیندانەکەنە دژ بە فشارەکا سەریشا دەسشا بە مانگێرتەی جە واردەی کەردەن تا ئا کاتە کە کۆتایی بەفشارەکا سەریشا مەیۆنە.