دادگا پەی سزادای دەمیرتاشی و ئۆندری بەهانێ تاشۆرە
بەنام دادگاو تورکیای پەی سزادای سەلاحەدین دەمیرتاشی و سڔ سورەیا ئۆندەی بەهانێ بێ بنەما مارۆۋە و تاشۆرە و چنڎین ساڵێ سزاش پەی بڕیێۋە.
٢٦ هه‌مین دادگه‌و سزێ قورسێ جە ئەستەنبۊڵ، بە بەهانەو "پڕوپاگەندەکەردەی پەی ڕێکۋستەی (پەکەکە)"، سه‌ڵاحه‌دین ده‌میرتاش هامسه‌رۆكی گردیی ۋەرینو (هه‌ده‌په)ی و سڔی سوره‌یا ئۆنده‌ر په‌رله‌مانتارو ۋەرینو (هه‌ده‌په)ی، هەر یۆ بە ٤ ساڵێ و ٨ مانگێ و ٣ ساڵێ و ٦ مانگێ سزا زیاندنیکەردەیش پەی بڕێۋە.
بەنام دادگاکە، قسێ و ۋاچەکێ دەمیرتاشی و ئۆندەری جە کۆبیە و میتینگەکانە ۋستێ چواچێۋەو پڕوپاگەندەی پەی ڕێکۋستەی کە مەبەست چنەش پەکەکەن و بە هەڕەشێ پەی ئاساییشی نەتەوەیی تورکی بەنامێش کەردێنی. چانێچەنە پەشتی بە تۆمارەکانو پۆلیسی بەستەن.
جە دما بڕیارەکەی، سەلاحەدین دەمیرتاش جە زیندانەۋە تویتێش جە تویتەر کەردەن و سەبارەت بە بڕیارەکەی ناڕەزایەیش نیشان دان و نویستەنش: "تا ئیسە هێیچ بڕیارێ ئانڎە تۆڵەکەرانە و دژە قانون نەبیەن، دادگا پەشتیش بە تۆمارەکانو پۆلیسی بەستەن، جە تۆمارو پۆلیسی سەبارەت بە میتینگو ۱۷و مارسو ۲۰۱۳ی ئامان، کە من جە میتینگەکەنە باسم جە ئاشتی کەردەن و واتەنەم: کە جە پڕۆسێسو ئاشتینەنە نمەبۆنە مرۆڤێ و گەنجەکێمان بکوشیانە و بەردەۋامێ بێمێ جە پەشتیۋان کەردەی مێزو دایوئەسای و گفتوگۆکان پەی بەرقەراری ئاشتی و چارەسەری".
