سەرچەمەکێ هەۋاڵی جە ۋەرهورو کوردستانی ئاشکراشان کەرد: "ئارۆ سەرسەبای جە زیندانو شارو میاندوئاوی سەر بە پارێزگەو ئورمیەی، دەسەڵاتدارێ ئێرانی زیندانی سیاسیی کوردی "کەمال ئەحمەد نژاد"شان جە دار دان".

جە پایزو ۱۳۹۳ی، کەمال ئەحمەد نژاد و ٦ کەسێ تەرێ خەڵکو دەگاو گامێش گلی سەر بە میاندوئاوی بە تۆمەتو کوشتەی کەسێ بەسیجی بەنامێ هاشم زەیناڵی دەستگیرێ کریێ-بێنێ. دماتەر دادگا ئینقیلابی ئیسلامی جە میاندوئاو، سەرەڕا نەبیەی بەڵگەی، کەچی بە تۆمەتو کوشتەی و ئەندامبیەی جە پارتێۋی کوردی سزا سێدارەیش پەی کەمال ئەحمەد نژادی بڕیەبێ. 

جەداردای کەمال ئەحمەد نژادی دۋێ ڕۋێ دمای جەداردای زانیار و لوقمان مورادی و ڕامین حسێن پەناهی مەیۆنە و نیشانەش مڎۆنە کە کۆماری ئیسلامی ئێرانی دەستبەردارو سزاو جەداردای نمەبۆنە و سورەن سەرش.