شۆفێرێ مەرزو په‌روێزخانی مانشان گێرت
شۆفێرێ مەرزو په‌روێزخانی دژ بە کارمەندە ئێرانیەکانو مەرزەکەی مانشان گێرت.
سەرسەبای ئارۆی جە مەزرو میاندەوڵەتی پەرۋێرخانی، کە مەگنۆنە سەرو سنورو پانیشت و وەرهۆرزو کوردستانی، شۆفێرێ ماشینە باربەرەکان مانشان گێرت. مانگێرەکێ کە نزیک بە ٦۰۰ شۆفێرێ پانیشتو کوردستانیەنی سەبارەت بە مانگێرتەکەیشان بە ئاژانسو ڕۆژنیوزیشان ۋاتەن: "کارمەندە ئێرانیەکێ مەرزەکەی مامەڵە و هەڵسوکەوتشان ۋەراۋەر بە شۆفێرە پانیشتیەکان خراپەن و تا نەفاڕیانە دەستبەردارێ مانگێرتەکەی نمەبانە".
داود یوسف یۆ جە شۆفێرە مانگێرتەکان جەی بارەۋە بەئاژانسەکەیش ۋاتەن: "کارمەندە ئێرانیەکێ ڕۆچانە سوکایەتمان پنە مەکەرانێ و قسێ خراپێ و نەشیاۋێمان پنە مەۋاچانە و ڕەفتارشان ۋەراۋەرمان دوورەن جە بەها مرۆیەکان. ئێمە دژو ئانەیە مانمان گێرتەن و تا کێشەکە چارەسەرنەکریۆنە جە مانگێرتەکەی بەردەۋامێ بێمێنە".
بەهۆو مانگێرتەکەی، جموجوڵی بارزگانی جە مەرزەکەن بە تەمامی مدران و تا ئیسە ۋەرپەرسە ئێرانیەکێ مەرزەکەی وەڵامشان پەی شۆفێرە مانگێرەکان نەبیەن.
د.ع
