قه‌سه‌ده‌: جە ۲٤ سەعاتێ ۋیەردەنە جە دێرزوور ٣٨ چه‌تێ داعشی کوشیێ

جە دمایین هەڵمەتو گەردەلولو جەزیرەیەنە شەڕفانێ قەسەدەی جە ۲٤ سەعاتێ ۋیەردەنە گورزێ قورسێشان جە داعشی دێنێ و ۳۸ چەتێشان کوشتێنێ و ۱۱ بنکێ و بارەگێشان خاپورێ کەردێنێ.

دلێگەو یاۋنەری هێزەکێ سوریای دیموکراتیکی-قەسەدە، جەی بارەوە ۋەڵاکریاش دان و ئاشکراش کەردەن:

"باغۆز"

جەنگی قورس قۆمیان و چەتەکێ داعشی هێرشان کەردەن، جە ئاکامشەنە گورزی فرە قورس جە دوژمنی دریان و کوشتێ و بریندارێ فرێش دێنێ. شەڕڤانەکێمان ۳ کیلۆمەترێ ۋەر-ڕەویشان کەردەن و ۱۷ سەنگەرێ تازێشان دێنێ ۋنە و ٤ مینێشان پووچەڵێ کەردێنێ.

"هه‌جین"

جنگی قورس ڕووەش دێنە و دوژمن زیانی گیانی و مادیش فرەبیەن. شەڕڤانەکێمان ڕووبەرێ تەرشان ڕزگار کەردەن و ۱ کیلۆمەتر لۋێنێ ۋەر و ۲۰ سەنگەرێ تازێشان دێنێ ۋنە.

 "سووسه‌"

جەنگی فرە قورس و دژوار قۆمیان و داعش هێرشی سەختش ئەنجام دان. جە جەنگ و هێرشەکەنە شەڕڤانەکێمان باڵادەستێ بیێنێ و دوژمن زیانی گیانی و مادی فرەش دان و جەنگ بەدژواری بەردەۋامەن.
 
"به‌حره‌"

جەنگی فرە قورس و دژوار قۆمیان و داعش هێرشی قورسش ئەنجام دان. شەڕڤانەکێمان هێرشەکەشان شکست دان و زیانی گیانی و مادی فرەشان جە دوژمنی دان. هاموەخت فڕۆکەکێ هامپەیمانی میاندەوڵەتی دژو داعشی، ۲ ماشینێ بۆمبکریێ، بلدۆزەرێۋ و ماشێنێۋی دۆشکەهۆگێرو چەتەکانشان بۆردومانێ کەردێنێ و خاپورێشان کەردێنێ.

ئامار

- ٣٨ چه‌تێ کوشیێنێ.

- فڕۆکەکێ هامپەیمانی میاندەوڵەتی ١٣ یاگێ چەتەکانشان بۆردومانێ کەردێنێ.

- دلێگەێۋی فەماندارێتێی، ۱۱ بنکێ و بارەگێ، ٢-٣ هاوه‌نشانێ، ٢ ئۆتۆمبێلی بۆمبکریێ، ۱ ئۆتۆمبێلی دۆشكه‌هۆرگێر و ۱ بلدۆزه‌ر تەقیێنێ.

- ٤ مینێ پووچه‌ڵێ كریێنێ.

-شەڕڤانێ ٣٧ خاڵێ و سەنگەرێ تازێشان دێنێ ۋنە.