هێزەکێ سوریای دیموکراتیکی-(قەسەدە)، ئاشکراش کەرد: جە وەرهۆرو فوڕاتی شەڤانەکێشان سەرکەوتەی تەرشان تۆمار کەردەن و دەگاو شەجلەی چنڎین خاڵێ سەربازیێ داعش-یشان ڕزگار کەردێنێ و ۲۱ چەتێ داعشی کوشیێنێ.
جەی بارەۋە هێزەکێ سوریای دیموکراتیکی-(قەسەدە)، ۋەڵاکریای لەشکریش دان و ئاشکراش کەردەن:
"باخۆز"
هێزەکێمان جە باخۆز و دەوروبەرش چنڎینخاڵێ تەرێ سەربازیێ داعشیشان ڕزگارێ کەردێنێ و هاموەخت چنڎین هێرشێ داعشیشان شکست دێنێ و جە ئاکامشەنە ژمارێۋ چەتێ کوشیێنێ و بریندارێ بیێنێ، بەڵام جەی بارەۋە زانیاری تەمام بەدەست نەۋزیان. شەڕڤانەکێمان دمای گێڵای و ۋشکنای، بڕێ فرە چەک و تەقەمەنیشان ئێستەنەۋە.
"شەجلە"
شەۋێ ۋیەردێ شەڕڤانەکێمان جە شەجلە ٨٠٠ مه‌ترێ لوێنێ ۋەر و ۲ ماشینێ بۆمبکریێ و تونێلێ داعشی دلێنە بریێنێ و چنڎین هێرشێ چەتەکانشان ماڕێنێ و دەشتشان گێرتەن سەرو بڕێ چەک و تەقەمەنی و جبەخەنەیەرە. سەرسەبای ئارۆچ جەنگی فرە قورس ڕووەش دان و جە ئامانە دەگاو شه‌جله-ی و چنڎین خاڵێ سەربازیێ داعشی ڕزگار ێ کریێنێ. هاموەخت دەست گیران سەرو بڕێ چەک و تەقەمەنیەرە و ژمارێۋ مینێ پووچێ کریێنێ.
"شارچەو حه‌جینی"
شەۋێ ۋیەردێ جە حەجین شەڕڤانەکێمان هێرشو داعشیشان بەقورسی شکست دان. سەرسەبای ئارۆیچ شەڕڤانەکێمان دیسان هێرشو چەتەکانشان ماڕن و ژمارێۋی فرێ چەتێ کوشیێنێ و بریندارێ بیێنێ. هاموەخت فڕۆکەکێ هامپەیمانیمیاندەوڵەتی دژ بە داعشی بۆردومانو چەتەکانشان کەردەن.
ئامارو جەنگی و هێرشی و زیانەکانو دوژمنی:
هێرشێ ئاسمانیێ: ٧
خاڵه ڕزگاركریێکێ: ١٩
کوشیێ: ٢١
زیانی مادیێ: تێکدای تونێلێۋێ، دلێنەبەردەی ٢ ئۆتۆمبێلێ بۆمبکریێ، وڕنای بارەگاو هاوەنێ.
چه‌كه ده‌ستبه‌سه‌رگیرێکێ: ٢ هاوه‌نێ ١٢٠مم و ٦٥ گولێش، ٦ ئاڕ پی جیێ، ٤ كڵاشینكۆفێ، ٢ بی كه‌ی سیێ و جانتایێ ته‌قه‌مه‌نی.
ژماره‌و شه‌ڕڤانە شه‌هیدکان: ٦
ژماره‌و شه‌ڕڤانه برینداره‌كان: ٨
