قه‌سه‌ده: ٣٥ چه‌تێ کوشیێ و ۲ ژەنێ ئێزیدیێ ئازادێ کریێ
هێزەکێ سوریای دیموکراتیکی-(قەسەدە) ئاشکراشان کەردەن: جە ۲٤ سەعاتێ ۋیەردێنە جە وەرهۆرزو فوڕاتی ۳٥ چەتێ داعشی کوشیێنێ و ۲ ژەنێ ئێزیدیێ ئازادێ کەردیێنێ.
دلێگەو یاۋنەری هێزەکانو سوریای دیموکراتیکی-(قەسەدە) سەبارەت بە جەنگ و کژیای چەنی چەتەکانو داعشی جە دێرزوور و پانیشتو کانتۆنو حەسەکەی جە ۲٤ سەعاتی ۋیەردەنە، ۋەڵاکریای سەربازیش دان و ئاشکراش کەردەن:
"حەجین"
جە بەردەۋامی دمایین قۆناغ جە هەڵمەتەو پاکسازی-کەردەی داعشی، جە نزیکو شارچەو حەجینی جەنگ قۆمیان و شەڕڤانەکێمان گورزی قورسشان جە داعشی دان و ۲ کیلۆمەترێ ۋەر-ڕەۋیشان کەردەن. هاموەخت چنڎین چەتێ کوشیێنێ و بریندارێ بیێنێ. جە جەنگەکەنە شەڕڤانێ دمای جەنگی قارەمانانەی شەهید بیەن و یۆتەریچ بریندار بیەن.
"كه‌سرا"
جە دەڤەرو کەسرای، شەڕڤانێ ۋەڵتەر گورزی قورسشان جە داعشی دابێ و چەندین خاڵێ ستراتیژیێشان چنە پاکێ کەردێبێنێ. دماتر شەڕڤانێمان جەلاو قەناس بەدەستەکانو داعشی شەهید کریان و ٥ شەڕڤانێچ بە تەقای مینی بریندارێ بیێنێ. جە هەمان کاتەنە فڕۆکە جەنگییەکێ هامپەیمانی میاندەوڵەتی دژو داعشی بنکێ و بارەگاکێ داعشیشان بۆردۆمان کەردێنێ، بەڵام زیانە گیانی و مادیەکێ چەتەکان نەزانێنێ.
"شه‌دادی"
جە پانیشتو شەدادی جەنگی قورس ڕووەش دێنە و جە ئاکامشەنە شەڕڤانێ ۱ کیلۆمەتر ۋەر-ڕەۋیشان کەردەن و ۱۷ خاڵێ سەربازیێشان جە ناوچەکەنە مەرزنێنێرە. چاگێچە فڕۆکە جەنگییەکێ هامپەیمانی میاندەوڵەتی دژو داعشی بنکێ و بارەگاکێ داعشیشان بۆردۆمان کەردێنێ،بەڵام سەبارەت بە زیانەکاشان زانیاری بەدەست نەۋزیان.
"باخۆز"
جە باخوز جەنگی فرە سەخت قۆمیان و بە قەناس چەتێۋ کوشیان و چنڎین سەنگەرەکێ چەتەکان خاپورێ کریێنێ و لانی کەم ۱۷ چەتێ کوشیێنێ و سەرچەتە ئه‌حمه‌د سه‌عید ئەشناسیا بە ئه‌بوو حاجر شامی بە دیل گیریان و ئامێریۋی سه‌ربازیی چه‌ته‌كان دلێنەبریان. هاموەخت تیمه‌كێ ئه‌ندازه‌ی سه‌ربازی ٦٠ مینێ ئەۋەنریێشان پووچه‌ڵێ کەردێنێ. شەڕڤانەکێمان یاۋێنێ دلێ دەگاو باخۆزی و مێڎانو جەنگیەنە تەرمێ فرێ کۆتێنێ و چەتەکێ تەمام گەمارۆ دریێنێ.
"پردێ ستراتیژیێ ڕزگارە کریێنە"
شەۋێ ۋیەردێ دمای جەنگ و گژیای فرە قورسی، شەڕڤانەکێمان پردێ ستراتیژیێ کە مەگنۆنە میانو دەگاو باخۆزی و شارو بوکەمالی کۆنترۆڵە کەردێنە و ٦ چەتێ کوشیێنێ. دمای کۆنترۆڵکەردەی پردەکێ ڕاو هامۆشیێ جە داعشی بڕیێنە و پا شێۋە زیاتەر چەتەکێ گەمارۆ دریێنێ.
"۲ ژەنێ ئێزیدیێ ئازادێ کریێنێ"
یەکینە تایبەتەکێ قەسەدەی بە چالاکی تایبەت ۲ ژەنێ ئێزیدیێ کە جە شەنگال ئەڕفانیێ بێن، ئازادێ کەردێنێ و فاڕێنێشاۋە یاگێ ئارامە و پارێزیا. جە سەروەختو ئازادکەردێشانە ۳ شەڕڤانێ بریندارێ بیێنێ و شەڕڤانێچ شەهید بیەن.
"۳٥ چەتێ کوشیێنێ"
بە گردی جە جەنگ و ڕووبەرووبیەکانە، ۳٥ چەتێ داعشی کوشیێنێ و ژمارێۋی فرێچ بریندارێ بیێنێ، ۲ شەڕڤانێ دمای جەنگی قارەمانانەی شەهیدێ بیێنێ، فڕۆکەکێ هامپەیمانی ۹ جارێ ٦٤ خاڵێ چەتەکانشان بۆردومانێ کەردێنێ.
