قه‌سه‌ده: ٥١ چه‌تێ داعشی کوشیێ
قەسەدە ئاشکراش کەرد، جە ۲٤ سەعاتێ ۋیەردێنە گورزی قورس جە داعشی دران و لانی کەم ٥۱ چەتێ کوشیێنێ.
دێلگەو یاۋنەری هێزەکانو سوریای دیموکراتی (قەسەدە) سەبارەت ۲٤ سەعاتێ دمایین جە هەڵمەتەو گەردەلولو جزیرەی پەی کۆتایی ئاردەی بەداعشی و تەرۆری ۋەڵاکریاش دان و ئاشکراش کەردەن:
باغۆز
سەرسەبای ئارۆ ٤ شەممەی، چەتەکێ جمووڵشان دەست پنەکەردەبێ، شەڕڤانەکێمان ڕووبەڕووشان بیێۋە و جە ٦ یاگێنە جەنگ چەنیشان قۆمیان. چەتەکێ چەکی سوک و قورشان بەکاربەردەن و دمایی هەوڵو ڕەمایشان دان. بەڵام شەڕڤانەکێمان ڕاگیریشان ونە کەردێنێ و گورزی قورشان دێنێ ونە و دەرەنجام دوژمن زیانی گیانی و مادی فرەش دان. هامکات تۆپخانەکێ هامپەیمانی میاندەوڵەتی بەچڕی مۆڵگەکێ داعشیشان بۆردومانێ کەردێنێ و زیانی فرەشان ونە دێنێ.
سووسە
جە ساتەکانو وێرەگایەنە داعش ۲ جارێ هەوڵش دان هێرش بکەرۆنە سەرو سەنگەرەکانمان، بەڵام شەڕڤانەکێمان بە تنڎی وەڵامشان دێنێۋە و شکستشان دێنێ و زیانی گیانی و مادی فرەشان ونە دریان و ژمارێۋی فرێ چەتێ کوشیێنێ کە تەرمێ ۱۰ شان کەوتێنێ دەستو شەڕڤانەکامان.
هه‌جین
چەتەکێ داعشی چنڎ جارێ بە تۆپێ و هاۋەنێ تۆپۋارانو ناوچەکەشان کەردەن و جاروبار چەنگ قۆمیان. بەڵام بەهۆو چەمداری و ئاگایی شەڕڤانەکامان دوژمن بێئاکام کریان و گورشان ونە دریان.
ئامار
- ٥١ تەرۆریستێ كوشیێنێ، تەرمێ ۱۰شان کەوتێنێ دەستو شەڕڤانەکامان.
- ۱ ئۆتۆمبێلی بۆمبکریا و ۱ ئۆتۆمبێلی سه‌ربازی ته‌قیێنێ.
- ۱ چەکی بی كه‌ی سی، ٢ بیبێ بۆمبکریێ و چنڎ چه‌كێ كڵاشینكۆفێ دەستشان گیریان سەرەرە.
- فڕۆكه‌كێ هامپه‌یمانی ١٨ جارێ بۆردومانشان کەردەن.
- ٧ مووشه‌كێ هایمه‌رزێ ئاڕاستەو داعشی کریێنێ.
