قەسەدە: جە دێرزوور گورز جە داعشی دریان و ٣٥ کیلومەترێ لوێنمێ ۋەر
هەڵمەتەو گەردەلولو جزیرەی پەی ئازادسازی ناوچەکا دێرزووری بە خێرایی بەردەوامەن و جە ۲٤ سەعاتێنە شەڕڤانێ قەسەدەی ۳٥ کیلومەترێ لوێنمێ ۋەر.
جە چوارچێۋەو دووەمین قۆناغو هەڵمەتەو گەردەلولو جزیرەی پەی ئازادسازی ناوچەکا پارێزگەو دێرزووری جە چەتەکا داعشی، کە جە ٤ حوزەیرانی ۋیەردەی دەسش پنە کەردەن، شەڕڤانێ هێزەکا سوریای دیموکراتی-قەسەدەی ڕووبەرێۋی فرەشا ئازاد کەردەن.
قسەدە ئاشکراش کەردەن، جە ۲٤ سەعاتێ ۋیەردێنە، دمای جەنگی قورسی چن چەتەکا داعشی جە دۆڵو ڕەوادای، شەڕڤانەکێشا ۳٥ کلیۆمەترێ ڕوو بە ۋەڵێ لوێنێ و پانتاییێۋی گەورەشا جە چەتەکا ڕزگار کەردەن.
