کەجەکە بە پەیامێ هەنگامە و تاکتیک و جەنگی زیرەکش جە هەپەگەی و ژەنە گەریلاکانو یەژەئا ستاری پیرۆز کەرد و ئاشکراش کەرد: "گەریلا ۋەرانۋەر بە سپاو تورکیای تەکنیکی نۊ و ئامێری ئاسامانی و جەنگی زیرەکش بەکاربەدەن و جە چالاکی شەمزینانیەنە ئا ئامێرەشە بەکاربەدەن".
هامسەرۆکایەتیی کۆنسەو کۆما جڤاکێن کوردستانی-کەجەکە، بە بۆنەو سەرکوتەی و چالاکییەکانشان دژ بە ناوەندە سەربازیەکانو ڕژێمەکەو تورکیای، پەیامی پیرۆزباییش ئاڕاستەو هێزەکانو پارێزنای گەلی-هەپەگە و یەکینەکێ ژەنێ ئازادێ-یەژەئا ستاری کەردەن و ستاییشش کەردێنێ.
جە پەیامەکەنە دەستنیشان کریان: «گه‌ریلاكێ هه‌په‌گه‌ی و یه‌ژەئا ستاری جە فرێ یاگێنە بە تەکنیکی نۊی سەردەمیانە و جەنگی زیرەک و ئامێری ئاسمانی چالاکیش دژ بە ئامانج سەربازیەکانو تورکیای ئەنجام دان و جە ئاکامەنە دەیان سەربازێ کوشیێنێ و دەیانی تەر بریندارێ بیێنێ. پۆکەی گەریلاکێ شایستەو پێرۆزبایی و ستاییش کەردەیەنێ».
كه‌جه‌كه ئاشکراش کەردەن: «ڕژێمو توركیای زیاتر جە ٣ ساڵێن بەشێۋازی بێ ئامان، گوشار و هێرشش دژ بە کوردی و هێزه دیموكراتییه‌كان دەست پنەکەردەن. بە جەنگی دەروونی گەرەکشەن کاریگەری جەنگەکەی فرەتەر بکەرۆنە و هامکات زیانە گیانی و مادیەکانو وێش و ژمارەو سەرباز و پۆلیسە کوشیا و بریندارەکانش بشارۆۋە و بە درۆ و ناڕاستی ڕاستیەکان پەردەپۆش بکەرۆنە. پی جۆرە گەرەکشەن ئاستەنگی پەی ۋرە و ئیرادەو گەلی دروست بکەرۆنە. ڕژێم پەی یاۋای بە مەبەستەکەیش هەرچی ڕۆچنامێ و تەلەفزیۆنێ و ڕادۋینێ هەنێ ۋستێنێش چێرو کۆنترۆڵی و تەنها ئا هەۋاڵێ ۋەڵا مەکەریاۋە کە جەلاو ئیدارەو جەنگی تایبەتی نویسیێنێۋە و ئامادێ کریێنێ پێشان. پی شێۋازە بە سەرپەرشتی گلادیۆو کۆشکی گەرەکشانە گەریلای لاۋاز و سوپاو تورکیای بەهێز نیشانە بڎانە».
کەجەکە سەنجش دان سەرو هەوڵەکانو ڕژێمی پەی پەردەپۆشکەردەی و ئەۋەشارای ڕاستی، زیانی گیانی و مادی و نکۆڵیکەردەی جە چالاکی هەپەگەی و یەژەئا ستاری. بەتایبەتی چالاکی دژ بە سەربازگەو (بێسۆسن)و سەر بە دەڤەرو ڕوبارۆکو ناوچەو شەمزینانی و ئەۋەتەقنایش و خاپوورکەردەیش کە دەیان کوشیێ و بریندارێش ۋنە کەوتێۋە. جە ڕاستیەنە چالاکییەکە بە تەکنیکی نۊ و ئامێری ئاسمانی و جەنگی زیرەک ئەنجام دریان. ئانێچە مانادارەن و هەنگام و تاکتیک و هۆرچەرخیایێ گرنگەن ڕوو بە جە جەنگی زیرەکی و تەکنەلۆژی. بەڵام ڕژێم پاسە نیشانەش دان، کە گۋایا بەهۆو خرابێ ئەنبارو تەقەمەنی تەقاکەی ڕووەش دان».
جە کۆتایی پەیامەکەیشەنە هامسەرۆکایەتیی کۆنسەو کۆما جڤاکێن کوردستانی-کەجەکە دەستنیشانش مەکەرۆنە: «ڕاستیێ مێژوویی هه‌ن کە سەلەمنۆنەش كه گه‌ریلا هه‌میشه دژ بە تاكتیك و ته‌كنیك-و دوژمنی، تاكتیك و ته‌كنیك-و وێش خوڵقنان. هەپەگە و یەژەئا ستار، کە گەریلایەتی سەدەی ۲۱ مینیشنان ئاردەن ئاراۋە، هێرشێ هێزە سەردەستەکان پوچەڵێ مەکەراۋە و چوون هەمیشە سەربگنانە. سەرو ئی بنەمایە ئێمە پیرۆزبایی جە هه‌په‌گه و یه‌ژەئا ستاری و گەریلاکانشان مەکەرمێنە و جە ئیستە و ئایندەنە سەرکەوتەیشان پەی مەۋازمێنە».
