سوپای تورک ئۆتۆمبیلێکی پاسەوانی سنوری عێراقیان بوردومان کرد، دوو فەرماندەی سوپا کوژراون –نوێ کرایەوە-

فڕۆکە جەنگیە بێفڕۆکەوانەکانی دەوڵەتی تورک لە دەڤەری کێلاشینی سەر بە برادۆست ئۆتۆمبیلێکی هێزەکانی پاسەوانی سنوری عێراقیان بوردومان کرد و لە ئەنجامدا دوو فەرماندەی باڵای پاسەوانی سنووری عیڕاق کوژراون.

فڕۆکە جەنگیە بێفڕۆکەوانەکانی سوپای داگیرکەری دەوڵەتی تورک، لە ناوچەی کێلاشینی سەر بە دەڤەری برادۆست ئۆتۆمبیلێکی هێزەکانی پاسەوانی سنوری عێراقیان کردە ئامانج.

بە پێی زانیاریەکان، ئەو ئۆتۆمبیلەی فڕۆکە بێفڕۆکەوانەکانی سوپای تورک بوردومانی کردووە، ئۆتۆمبیلی فەرماندەیەکی سەربازی هێزەکانی پاسەوانی سنوری عێراق بووە کە پلە سەربازیەکەی عەمیدە و ناوی زوبێر حالیە.

لە ئەنجامی ئەو هێرشە ئاسمانیەدا، عەمید زوبێر حالی فەرماندەی لیوای ٣ی پاسەوانی سنور لە سوپای عیڕاق، برای ناوبراو شەمدین حالی و محمد رەشید فەرماندەی لیوای ٢ی هێزەکانی پاسەوانی سنور لە سوپای عێراق کوژراون. هاوکات کەسێکی مەدەنیش کە ناوەکەی ئاشکرا بەبووە، بریندار بووە.

ز.ش