ئارۆ ۲ شەممە، جە پیرمام سەرکەردایەتی پارتو دیموکراتو کوردستانی-پەدەکەی کۆبییەش ئەنجامدا. دمای کۆبیەکەی جە کۆنگرێ ڕۆچنامەۋانییەنە مەحمود موحەمەد، ۋاچەرو فەرمی پارتەکەی ئاشکراش کەرد: "سەرکەردایەتی پەدەکەی هەر دۋێ مامۆزێ نێچیرەڤان ئیدریس بارزانی یاگەگیرو سەرۆکو پەدەکەی پەی سەرۆکایەتی هەرێمو کوردستانی و مەسرور مەسعود بارزانی ئەندامو مەکتەبی سیاسی پەدەکەی، پەی سەرۆکایەتی حکومەتو هەرێمی کاندیدا کەردێنێ".

دمابەدمای کاندیداکەردەی مەسرور بارزانی و نێچیرەڤان بارزانی، کارۋەدای پارت و لایەن و شەقامی کوردی چێش مەبۆنە، دیار نییەن.بەڵام چەمەڕا مەکریۆنە کە ئارۆ و سەبای هەڵۋێستەکێ جەی بارەۋە ئاشکرێ بکریانە.