هه‌په‌گه ئاشكراش کەرد، جە پانیشت (باشور)و کوردستانی ٢ سه‌ربازێ تورکیای کوشیێنێ و جە مێردین، جۆلەمێرگ و سێرت-و سەرنیشت (باکور)و کوردستانی گورزی فرە قورس جە دوژمنی دریان و ژمارێۋی فرێ سەربازێش کوشیێنێ.
جەی بارەۋە دلێگە (ناوەند)و یاۋنەری و چاپەمەنی هێزەکانو پارێزنای گەلی-هەپەگە، ۋەڵاکریاش دان و ئاشکراش کەردەن:
بارزان-هەولێر
١٩ ئابی\٢٨ گه‌لاوێژی سەعات ۰٦:۲۰ دەیەقێ سەرسائبی، جە دەگاو بایراکی کە سەر بە دەڤەرو بارزان-و پانیشتو كوردستانی، گەریلا دژ بە سەربازە داگیرکەرەکانو تورکیای چالاکیشان ئەنجام دان و جە ئاکامشەنە (۲) دۋێ سەربازێ کوشیێنێ و (۲)دۋێ تەریچ بریندارێ بیێنێ.
مەهسەرت-مێردین
١٨ ئابی\٢٧ گه‌لاوێژی سەعات۰۷:۰ سەرسائبی، جە ناوچەو مەهسەرتی کە سەر بە پارێزگەو مێردین-و سەرنیشتو کوردستان-یەن، گەریلا چالاکی گەورەش دژ بە ڕاۋەبەری ئاشاییشی ئەنجام دان. جە چالاکییەکەنە گورزی قورس و گرانی مادی و گیانی جە ڕاۋەبەریەکەی دریان، بەڵام جەی بارەۋە ئامارێ دروست بەدەست نەۋزیان.
گەڤەر-جۆلەمێرگ
١٧ ئابی\٢٦ گه‌لاوێژی، نزیک بە دەگاو موشانی کە سه‌ر به ناوچه‌و گه‌ڤه‌ر-و جۆله‌مێرگ-یەنە، هێزە داگیرکەرەکێ تورکیای به پەشتیۋانی فڕۆكه‌ی بێفڕۆکەۋانی سیخووڕی ئۆپەراسیۆنشان ئەنجام دان، بەڵام گەریلا ڕووبەڕووشان مدرانەۋە و گورزی قورسش ۋنە دێنێ. هاموەخت بە بۆردومانی فرە قورس، (۲) دۋێ گەریلێ شەهیدێ بینێ، کە دماتەر شناسنامەکانشان پەی ڕای گردی ئاشکرا مەکریۆنە.
هەرەکۆڵ-سێرت
۱۸ ئابی\٢٦ گه‌لاوێژی، جە ناوچه‌و هه‌ره‌كۆل-و پارێزگەو سێرتی، گەریلا و هێزەکێ دوژمنی یەکانگیرێ بینێ و گژیێنێ و جەنگی فرە قورس ڕووەش دێنە. جە جەنگەکەنە کە جە شەۋێ تا سەرسەبای ڕۆی دامایش خاینان، گورزی قورس و گران جە دوژمنی داگیرکەری دریان و کوشتێ و بریندارێ فرێش دێنێ، بەڵام ژمارە و وردەکاری زیانە گیانی و مادیەکانو دوژمنی نەزانیان. دمای ئانەیە کە دوژمن چنەبەر و دەرەقەتو گەریلای نامان، بە چەکی قورس و بەچڕی ناوچەکەش بۆردومان کەردەن و ۳ گەریلێ کە قارەمانانە مدرامان و ۋەرگیریشان جە دوژمنی کەردەبێ شەهیدێ بینێ، جە ئایندەی نزیکەنە شناسنامەکانشان پەی ڕای گردی ئاشکرا مەکریۆنە.
