هه‌په‌گه‌: جە سێرت و جۆله‌مێرگ ٤٠ سه‌ربازێ توركیای کوشیێ

هه‌په‌گه‌ ئاشكراش کەرد، جە سێرت و جۆله‌مێرگ جە چالاکی گەریلایەنە ٣٩ سه‌رباز و كۆنترا گەریلاێو كوشینێ و جە لێلکان-و بارزانی گورزی قورس جە هێزە داگیرکەرەکا تورکیا دریان.

دلێگەو یاونەری و چاپەمەنی هیزەکانی پارێزنای گەلی-هەپەگە، سەبارەت بە چالاکی گەریلاکاشا وەڵاکریێوش دان و ئاشکراش کەردەن:

٣٠ی تەمووزی سەعات ٦و سەرسەبای جە بەرزایی شه‌هید فیكره‌تی کە سەر بە هه‌رێمو بینبیری ناوچه‌و گه‌ڤه‌روجۆله‌مێرگ-یەن، سپا داگیرکەرەکەو تورکیای کە سەرقاڵو وێئامادەکەردەی پەی ئۆپەراسیۆنی بیەن، جەلاو گەریلاکاوە کریان ئامانج و جە ئاکامشەنە گورزی فرە قورسشا دریان ونە و لانی کەم ٢٧ سه‌ربازێ دوژمنی کوشینێ.

سەعات ٧:٤٥ دەیەقێ، جە بەرزایەکان گەنیشی و کۆنسەرڤەی کە سەر بە ناوچەکا شەمزینان و گەڤەرو جۆلەمێرگیەنێ، گەریلا بلدۆزەرەکێ سپاو تورکیاش کەردێنێ ئامانج کە سەرقاڵێ دروستکەردەی ڕا سەربازی بیێنێ و جە ئەنجامەنە ٢ بلدۆزه‌رێشا تەقنێنێ و کۆنترا گەریلایێ کوشیان.

سەعات ١٠ سەرسەبای هەمان ڕۆی، جە بەرزایی لێلکانی کە سەر بە دەڤەرو بارازان-و پانیشتو کوردستان-یەن، گەریلاکێ هەپەگەی و یەژەئاستاری دژ بە هێزە داگیرکەرەکا تورکیای چالاکیشا ئەنجام دان. گەریلا جە یەرێ قۆلێوە هێرشش بەردەن سەرو هێزەکا دوژمنی و گورز قورسش ونە دێنێ. بەڵام ئامارێۋی ورد چا بارەۋە بەدەس نەۋزیان.

١٧و ته‌مووزی سەعات چوارو دمانیمەڕۆی، جە دەڤەرو گارسی ناوچه‌و دهێ کە سەر بە پارێزگەو سێرت-یەن، هێزەکێ دوژمنی ئۆپەراسیۆنشا ئەنجام دابێ. گەریلا دژ بە ئۆپەراسیۆنکارا چالاکیشا ئەنجام دان و زیانی قورسشا ونە دێنێ. دوژمن کە جە زمینەوە جوڵەبڕ کرایابێ، بە فرۆکێ جەنگیێ بەسەختی و چڕی بۆردومانو ناوچەکەیش کەردەن و جە ئاکامشەنە ٣ گەریلێ شەهیدێ بینێ کە دماتەر شناسنامەکاشا ئاشکرا مەکەرمێنە.

٢٥و ته‌مووزی جە چه‌مێ كارێ سەر بە ناوچه‌و به‌رواری سێرتی، دوژمن ئۆپەراسیۆنی فراوانش ئەنجام دان، جە سەعات ١٨:٣٠ دەیەقێ وێرەگای، گەریلا جە ئۆپەراسیۆنکاراش دان و جە دەرەنجامشەنە ٣ سەربازێ تورکیای کوشینێ.

٢٦و ته‌مووزی دەڤەرەکێ قولینگ، شه‌هید به‌رخۆدان و شه‌هید جانخۆرت، بە قورسی و چڕی بە فرۆکەی جەنگی بۆردومانێ کرینێ. هاموەخت گەریلا چالاکیش دژ بە هێزەکا دوژمنی ئەنجام دان و کە کوشیای 2 سەربازا و برینداربیەی سەربازێوێش دمارە ئامان و دوژمن ناچار کریان جە بەرزایی شەهید بەرخودانی کێشیۆوە.

٢٨و ته‌مووزی سەعات ‌٥ وێرەگای جە بەرزایی شه‌هید سۆرخوین-ی، گەریلا هێرشو دوژمنیش شکست دان و هاموەخت گورزی قورش دێنێ ونە کە جە ئاکامەنە ٢ سه‌ربازێ کوشیێنێ. هه‌مان ڕۆچ سەعات ١٨:٤٥ دەیەقێ وێرەگای گەریلا جە بەرزایی شه‌هید جانخۆرتی چالاکیشان ئەنجام دان و چاگێچە ٣ سەربازێ کوشیێنێ.

٢٩و ته‌مووزی سەعات ١٤:٣٠ دەیەقێ دمانیمەرۆی، دوژمن گەرەکش بیەن هێرش بکەرو سەرو بەرزایی شه‌هید جانخۆرتی، بەڵام گەریلا گورزی قورسشا دێنێ ونە و سەربازێو کوشیان و یۆی تەریچ برییندار بیەن و دەرەنجام هیزە داگیرکەرەکێ تورکیای ناچار بە ئەوەکێشایی کریێنێ.