"ئەنجومەنو ژەنان"و هەدەپە-ی، سەبارەت بە جەداردای، "ڕامین حسێن پەناهی، لوقمان و زانیار مورادی"، جە زیندانو ڕەجایی شەهرو ڕژێمو ئێرانی، بەیاننامەش دان و سەرەڕا شەمەزارکەردەی جەداردیشان ئاشکراش کەردەن: "دەسەڵاتداری ئێرانی پەی درێژەدای بە ڕژێمە دماکەوتەکەیش و بێدەنگ-کەردەی نەیارەکانش، پەنا پەی سزاو جەداردای مەبەرۆنە، پا جۆرەچە گێڵانەۋە پەی سەردەمو دڕندەیی. بەڵام ئەبۆ ئێران خاس بزانۆنە کە سزا جەداردای نمەتاونە تۆڕەیی گەلو کوردی و گەلە بندەستەکانی مرکنۆرە، بەڵکو سورتەرێشان مەکەرۆنە جە خەبات و کۆشایی ئازادی".

ژەنێ هەدەپەی ئاماژە بە جاڕنامەی گەردونی نەتەوە یۆگێرتەکانی و یەکێتی ئەوروپای مڎانە، کە دژێ سزاو جەداردایەنێ و بە پاشێلکەردەی مافەکانو مرۆفی بەنامێش مەکەرانە و داۋا جە نەتەوە یۆگێرتەکانی مەکەرانە تا دژ بە جەداری جە ئێران بمدراۋە و  دەسەڵاتداری ئێرانی ناچار بە وازئاردەی جەسزاکێ بکەرانە.

"ئەنجومەنو ژەنان"و هەدەپە-ی داۋا جە ژەنان مەکەرۆنە تا دژ بە تاوانەکانو ئێرانی بمدراۋ و ناڕەزایەتی نیشانە بڎانە، چونکە جە ئارۆنە ژەنی جە گرد کەسی زیاتەر ڕووبەروو تاۋانی مەبانێۋە و هەر ئاڎێچێ خاستەر جە ئازارەکانو دیگەرانی میاۋانە.