جە چالاکی گەریلاکا هەپەگە-ی و یەژەئا ستار-یەنە، کە جە جۆلەمێرگ و مێردین ئەنجامێ درێنێ ٤ سەربازێ تورکیای کوشیێنێ و جە بەدلیس گورز جە کۆنترا گەریلای دریان و ژمارێو کوشیێ و بریندارێشا دێنێ.
دلێگەو یاۋنەری و چاپەمەنی هێزەکا پارێزنای گەلی-هەپەگە، بە ۋەڵاکریێۋ ئاشکراش کەرد:
سەعات ۱٥:۰۰ دمانیمەڕۆ ۳۰ حوزەیرانی، جە بەرزایی لیلەکێ سەر بە ناوچەو شەمزینان-و پارێزگەو جۆلەمێرگ-ی گەریلا چالاکیش ئەنجام دان، جە ئاکامشەنە گورزی قورس جە دوژمنی دریان و ۱ سەرباز کوشیان. هەمان ڕۆچ جە هەمان ناوچەنە بەڵام سەعات ۱۹:۲۰ دەیەقێ ئێۋارەگای، گەریلا جە ملەو هارونی چالاکیش ئەنجام دان و چاگێچە ۱ سەرباز کوشیان.
٢٩ حوزەیرانی سەعات ٢١:٣٠ دەیەقێ شەوێ، جە نزیکو دەگاو دەیوان-و سەر بە ناوچەو کەربۆران-و پارێزگەو مێردینی، دژ بە سوپا داگیرکەرەکەو تورکیای جە پەنگاوو ئیلسوی گەریلا چالاکی گەۆرەش ئەنجام دان و دەرەنجامشەنە گورزی قورسشا ۋنە دریان و ۲ سەربازێچ کوشیێنێ.
جە ۱ تەموزی سەعات ۱۲:۰۰ نیمەڕۆی جە نزیکو دەگاو کۆڵەی سەر بە ناوچەو مۆتکێ بەدلیسی، گەریلا دژو تاقمێۋ کۆنترا گەریلای چالاکیش ئەنجام دان و بەهۆشەۋە کۆنتراکێ چنڎین کۆشیێ و بریندارێشا دێنێ، بەڵام ژمارەی تەمامشا نەزانیان.
