هەپەگە گورزی قورسش جە سپاو تورکیای دان و ۳۷ سەربازێ کوشیێ
هەپەگە ئاشکراش کەرد، جە جۆلەمێرگ گەریلا چالاکیش دژ بە کاروانێۋی سەربازی تورکیا ئەنجام دان و ۳۳ سەربازێ کوشیێنێ. جە باسای و شەرنەخ ۳ سەربازێ تەرێ جە چالاکی گەریلایەنە کوشیێنێ.
دلێگەو یاۋنەری و چاپەمەنی هەپەگەی، بە وەڵاکریێۋ زانیاری سەرو چالاکیەکا گەریلای دان و ئاشکراش کەردەن:
٢٥و تەمووزی سەعات ٢١:٣٠ دەیەقێ شەوێ، جە ناوچەو چەلێ جۆلەمێرگی کاروانێۋ جە زرێپۆشەکا سوپا داگیرکەرەکەو تورکیای جە نزیک دەرەو بیدەلێ کریان ئامانج و جە ئاکامشەنە ۲ زرێپۆشێ دلێنە برێنێ و ۳۳ سەربازێ کوشیێنێ و ژمارێۋتەریچ بریندارێ بیێنێ.
هەمان ڕۆچ هەر جە چەلێ بەڵام جە بەرزایی کۆردینەی جارێتەر گەریلا جە دوژمنیش دان و گورزشی قورسش جە سەربازە داگیرکەرەکا دان. بەڵام زیانە گیانی و مادیەکێ دوژمنی نەزانیێنێ.
ۋێرەگا ٢٤ى تەمووزی جە گەلییۆکان کە سەر بە ناوچەو باسای شرنەخ-یەن، یەکینە نهێنیەکێ تورکیای کریێنێ ئامانج و دەرەنجامشەنە ۳ سەربازێ کوشیێنێ.
٢٥و تەمووزی سەعات ١٧:٣٠ دەیەقەو ۋێرەگای، گەریلا دژ بە سەربازگەو فندکێ چالاکیش ئەنجامدان. چاگێچە لانی کەم ۱ سەرباز کوشیان.
