٥ سەربازێ تورکیای کوشیێ و دوژمن بەردەۋاما جە ئۆپەراسیۆنی سەربازی

هەپەگە ئاشکراش کەرد، جە ناوچەو بەرواری سەر بە سێرتی و ناوچەو شەمزینان-و جۆلەمێرگی گەریلا چالاکیشیا دژ بە هێزە داگیرکەرەکا تورکیای ئەنجام دان و ٥ سەربازێ کوشیێنێ.


دلێگەو یاۋنەری و چاپەمەنی هێزەکا پارێزنای گەلی-هەپەگە، سەبارەت بە چالاکی گەریلاکاشا جە ناوچەو بەرواری پارێزگەو سێرتی و ناوچەو شەمزیانی سەر بە جۆلەمێرگی و ئۆپەراسیۆن و بۆردومانەکا دوژمنی ۋەڵاکریاش دان و دلێشەنە ئامان:

۲٥و تەمووزی جە دەرەو کارێ کە سەر بە بەرواری سێرت-یەن، هێزە داگیرکەرەکێ تورکیای ئۆپەراسیۆنی سەربازی-شا ئەنجام دان. دماتەر گەریلا دژ بە ئۆپەراسیۆنکارا چنڎین چالاکیێش ئەنجام دێنێ. 

چالاکی یەکەم جە ۲۹و تەمووزی سەعات ۱٥:۰۰ دمانیمەڕۆی جە بەرزایی شەهید سۆرخوێنی ئەنجام دریان و جە ئاکامشەنە ۳ سەربازێ کوشیێنێ و  تا سەعات ۲۲:۳۰ دەیەقێ شەۋێ دوژمن نەتاۋانش لاشەو سەربازە کوشیاکاش هۆرگێرێۋە.

چالاکی دووەم جە ۳۰ تەمووزی سەعات ۱۷:۳۰ دەیەقێ وێرەگای، جە هەمان بەرزایی ئەنجام دریان و جە ئاکامشەنە سەربازێۋی تەر کوشیان.

۳۱و تەمووزی سەعات ۲۱:۳۰ دەیەقێ شەۋێ، جە دەڤەرو دەروازەو پێشمەرگەی کە سەر بە ناوچەو شەمزینان-و جۆلەمێرگ-یەن، گەریلا چالاکیش دژو هزە داگیرکەرەکا تورکیان ئەنجام دان و کوشیای سەربازێۋیش دمارە ئامان.

۲۸و تەمووزی ۋیەردەی جە دەڤەرو خاچه‌ره‌شی کە سەر بەناوچه‌و مۆتكی پارێزگەو به‌دلیس-یەن، هێزە داگیرکەرکێ تورکیای بەبەشداری ژمارێۋی فرێ جە جاش و کۆنترا گەریلاکا ئۆپەراسیۆنی ۋەرفراۋانش بەردەن ڕاۋە، بەڵام جە ۳۱و تەمووزی ئۆپەراسیۆنەکە بێئاکام کۆتایش ئامان.

٣١و ته‌مووزی سەعات ١٢:١٥ دەیەقێ نیمەڕۆی، فڕۆكه‌ جه‌نگیەکێ  تورکیای جە هەرێمەکا پارێزنای مەدیای، مێڐان-و ۷ تەباخ-یشا بۆردومان کەردەن کە سەر بە هەرێمو گارە-یەن.