پارتو کۆمۆنیستو فەڕەنسای-PCF جە ۋەڵاکریێۋەنە هێرشێ کە جە ۱٦و ئابی شەنگال و ئێزیدخانش کەرد ئامانج و شەهیدبیەی مام زەکی شەنگالیش ۋنە کەوتەۋە، سەرکۆنە و شەرمەزار کەردەن و ئاماژەش دان بە ئەنجامدای هێرشی نو و تازەی دژ بە کوردە ئێزیدیەکا.

جە ۋەڵاکریاکەشەنە PCF، باسش جە ساتەوەختو هێرشەکەی کەردەن ، کە هامکات بییەن چەنی ساڵیادو کۆمەڵکوشی ئێزیدیەکا بە دەستو داعشی و ئاشکراش کەردەن؛ کە ئەردۆغان هەوڵ مەڎۆنە تا سەرجەم کوردی قڕ بکەرۆنە.

پارتو کۆمۆنیستو فەڕەنسای-PCF، ئاماژەش دان بە تاوان و داگیرکاری تورکیای جە جرابلس، عەفرین و پانیشتو کوردستانی ، کە سڤیلەکان مەکەرۆنە ئامانج.

پارتەکە هەم جە ئاستی فەڕەنسی و هەم جە ئاستی جیهانی-یەنە، داۋا پەشتیۋانی-کەردەی جە گەلو کوردی مەکەرۆنە.