جە ۋەردەمو باڵەخانەو کۆنسەو ئەوروپای جە شارو ستراسبۆگ-و فەڕەنسای، زیاتەر جە ٦ ساڵێن چالاکی ئێشکگری پەی ئازادی ڕێبەرو گەلو کوردی عەبدوڵا ئۆجالانی بە شێۋازی نۆبەتی هەفتانە ئەنجام مڎریۆنە. هەفتەی ۳۲۷ مینی ژەنانو کوردی جە بەریتانیا جە ئەستۆ گێرتە بێ. جە ۳۲۸مین هەفتەو چالاکییەکەیەنە، دەستێ کوردێ کوردێ هەرێمو نۆرماندی فەڕەنسای بەشدارێنێ.

ئی هەفتە "دەلیل ئاتەش، حاجی بایرام، ئیرین تەکتاش و ڕدڤان فەریق" ئێشکگرێنێ و سەبارەت بە بڕیارو دادگاو مافو مافو مرۆڤو ئەوروپای کە ڕژێمو تورکیاش جە گۆشەگیری وئەشکەنجەدای ڕێبەر ئۆجالانی بێبەری کەردە بێ، ناڕەزایەتی نیشانە مڎانە و بڕیارەکەی ڕسۋا مەکەرانە.

ئێشکگرەکێ، بڕیارەکەی بە پاشێلکەردەی پیمانەکانو مافو مرۆڤو ئەوروپای مزانانە و ڕوو بە دادگاکەی ۋاتەنشان: کامە یاسانە باس جە ئاستەنگ-کەردەی مافو ڕێبەر ئۆجالانی کریان؟

چالاکی ئێشکگری پەی ئازادی ڕێبەر ئۆجالانی جە ۲۰۱۲ دەستش پنە کریان و تا ئارۆ بەردەۋامەن و هەر هەفتە دەستێ جە چینە جیا جیاکانو کوردی و دۆستەکانش بە شێۋازی نۆبەتی بەشدارێش بانە.