ـ موازۆ شێوەی درۆس و تاقی کریا پەی بار ئاوردەو زارۆڵەیتا هۆرچندێ…
ـ پەنەوازا ئەد٘ا و تاتە چی ڕاینە موتالێعەشا بۆ و هەم ئارۆیانە ویرێ کەراوە و هەم جە تەجرۆبەو وەڵینا کەڵک گێرا…
ـ زارۆڵە فرە سەرەنجوو کەردەوەو ئەد٘ا و تاتەی مد٘ۆ، هۆشیارێ شێوەو ژیوای و کەردەوەیتا بیدێ… 
ـ زارۆڵەیتا پەی وێش و بە پاو تەوانیش پەروەردە کەردێ، نەک پەی ئاوات و ئارەزوو وێتا و…
ـ هەمیشە سڵاموو زارۆڵەیتا کەردێ…
ـ فێروو ئەدەب و ئێحترامیش کەردێ…
ـ درۆیش چەنی نەد٘ەیدێ و…
ـ بێ مانا نەتەرسندێش…
ـ بە نەرم و نیانی و ئارامی هۆرز و نیشتش چەنی کەردێ.
ـ خاس گۆش گێردێ پەی قساش و حورمەتش گێردێ.
ـ وەختێو چەنی زارۆڵەیتا قسێ و یا گەمە کەردێ کە وێش گەرەکش بۆ.
ـ پەی فێر بیەی شێوەو ژیوای چەنی زارۆڵەیتا پەلە نەکەردێ، بازدێ با تام و لەزەتوو زارۆڵەییش چەشۆ.
ـ بە فەرهەنگوو وەڵاتوو وێتا بارش باردێ…
ـ فێروو زوو وتەی و زوو هۆرسەیش کەردێ.
ـ بڕێو جارێ حەکایەتێ عالێ گێڵندێوە پەیش.
ـ هەر بە زارۆڵەیی فێروو بڕێو هەرماناش(هونەری، دەسی و…) کەردێ.
ـ فێروو نگاد٘اری و پارێزنای کەلووپەلوو وێش کەردێ…
ـ فێروو مسواک دایش کەردێ…
ـ گەمێ زارۆڵانێ پەی زارۆڵەی پەنەوازێنێ…
ـ تەوانایی زارۆڵەیتا هۆرسەنگندێ…
ـ چەمد٘اری هۆرز و نیشت و هەرمانەکاش کەردێ.
ـ پەیجۆرێ ڕێخەو بڕێو جە هەرمانەکاش بیدێ.
ـ دەلیلەو بڕێو هەرمانە لار و ناڕەوایەکاش بژناسدێ و بزاندێ.

سەرچەمە:
یانەو پەپوولا
تایبەت بە ئەدەبیاتوو زارۆڵاو هەورامانی
هەورامان نێت