ڕحا: قڕکەردەی سیاسی بەردەۋامەن و ١٠ كه‌سێ ده‌ستبه‌سه‌رێ کریێ
جە هەواگ و پەرسوس-و سەر بە پارێزگەو ڕحا "ئورفا"ی، جەندرمە و پۆلیس ۱۰ کەسێشان دەستبەسەرێ کەردێ.
ڕژێمە داگیرکەرەکەو تورکیای درێژە بە ئۆپەڕاسیۆنو قڕکەردەی سیاسی مڎۆنە و جەی چوارچێۋەنە ئارۆ جە ناوچەو هەواگی کە سەر بە پارێزگەو ڕحا "ئورفا "یەن، هێزەکێ جەندرمەی، موهیەتین كارا، حه‌سه‌ن كارا، محه‌مه‌د كارا، میركان كارا و محه‌مه‌د چه‌لیك-شان جە یانەو وێشانە دەستبەسەرێ کەردێ.
هاموەخت جە پەرسوس-و هەمان پارێزگەی، ڕاۋەبەرو (ده‌به‌په)ی، نوور جه‌یران و هاموڵاتیێ، ساڵح داگ، جووما ده‌میر و محه‌مه‌د تاڤاس-شان دەستبەسەرێ کەردێنێ.
هۆکار و ئامانج جە دەستگیرکەردەی کەسەکان دیار نییەن و زانیا، دەستبەسەرکریێکێ تا ئامادەکەردەی ئەی هەۋاڵیە ئازادێ نەکریێنێ.
