ژن تیڤى، کە تەلەفزیۆنیۋی تایبەت بە ژەن-ێن بە فەرمی کرایاۋە
کەناڵو سەتەلیتی ژن تیڤی، کە تایبەت بە ژەنێ بەرنامێش هەنێ، دمای پەخشی ئازموونی، ئارۆ دەسش بە پەخشی ئاسایی کەرد.
کەناڵی سەتەلیتی ژن تیڤی، کە جە ٨ ئازاری ڕۆ جیهانیى ژنێ پەخشی ئازموونیش دەس پنە کەردەبێ، ئارۆ دمای ۳ مانگێ کۆتاییش بە پەخشە ئازموونیەکەی ئاۋرد و بە فەرمی دەربازو پەخشی ئاسایی بی.
ژن تیڤی سەر بەئەنجومەنو ژەنا نەوا-یەن و جە ۹ مانگەو چلێ کە یەرەمین ساڵیادو تەرۆرکەردەی هەر یەرە ژنە سیاسەتمەدارەکێ کوردی (ساکینە جانسز، فیدان دۆغان، لەیلا شایلەمەز) بێ، جە کۆبییەی ئەنجومەنەکەی جە پاریس بڕیارو ئەرەمەرزنایش دریا و هەمان ڕۆچ کاروبارەکێش دەسشا پنە کەرد.
ژن تیڤى بە دروشمەو "دەنگ و ڕەنگو ژەنێ" جە سەرو مانگیلێ هۆتبێردی بە فریکیونسو ١١٠٥٥ و سیبمول رایتىو ٢٧٥٠٠٠ پەخش مەکەرۆنە .
هاموەخت جە سەرو یوتوبی پەخشی زینڎەی بەردەۋامش هەن.
شایەنو باسیەن، کە ژن تیڤی سەرجەم ئامادەکارێ، ڕاۋەبەرێ، کارمەندێ، هەۋاڵسازێ، پێشکەشکارێ و مۆنترەکێش ژەن-یەنێ و سەرجەم بەرنامەکێش تایبەتێ کریێنێ بە بابەتەکا ژەنا کوردی و جیهانی.
