هامسەرۆکایەتیی کۆنسەو ڕاۋەبەری کۆماجڤاکێن کوردستانی-کەجەکە، بەبۆنەو ٤ مین ساڵیادو ۱ نۆڤەمبەری ڕۆو جیهانی کۆبانێ و هێرشەکێ ئی دمایەو ڕژێمو تورکیای دژو ڕۆژئاڤای و هۆرۋچنای ۲۰۱۹و شارەۋانیەکانو تورکیای ۋەڵاکریاش دا و دلێشەنە ئامان:

٤ ساڵێ جەی وەڵتەر جە ۱ نۆڤمبەری، ملیۆنان کەسێ بە پێشەنگی کەسانێ سۆسیالیست، ڕۆشنۋیر، نۋیسەر، هۆنەرمەند و شۆڕشگێڵێ جە چوارلاو جیهانی دیموکراتیکیەۋە مجیێرە شەقام و مێڎانەکان و پەشتیۋانی و خاوەنداریشان جە کۆبانێ و مدرامانەکەیش کەرد. ئانێچ بی بە سەرەتا پەی شکستدای داعشی. مدرامانڤانەکێ کۆبانێ دژ بە داعشی فیدائیانە مدرامانشان کەرد و داعشان شکستدا. پۆکەی ئێمە سڵامی گەرم کیانمێ پەی سەرجەم ئا کەسانە کە ڕۆو جیهانی کۆبانیشان خوڵقنا و وێنیشاندایشان پەی کۆبانێ ئەنجام دا. هەرپاسە سەرجەم شەهیدێ و بریندارێ و مدرامانڤانێ کۆبانێ بەڕێزەۋە یادشان مەکەرمێۋە.

مدرامانو کۆبانێ کە بە ڕۆحیەتو ۱ نۆڤەمبەری بریاڕاۋە و داعشش شکستدا و هامکات ڕۆو جیهانی کۆبانێ، تەنها دەستکەوت و سەرکەوتەی پەی کۆبانێ و کوردستانی نەبێ، بەڵکو دەستکەوت و سەرکەوتەیەن پەی گردو جیهانی. کۆبانی شارێۋی هامبەشی جیهانیەن و ئەرکو گردو گەلانو جیهانیەن تا کۆبانێ و هەوڵەکێ پەی خوڵقنای ژیۋای ئازاد و دیموکراتیکی پارێزنانە. جە ئیسەنە هێرشکەردەی سەرو کۆبانێ، هێرشەن پەی سەرو گەلە ئازادیۋازەکان و سەرجەم دیموکراتۋازەکانو جیهانی.

دەسەڵاتداری ئاکەپە و مەهەپەی دوژمنایەتی وێشان دژ بە کۆبانێ و شۆڕشو ڕۆژئاڤای زیاتەر کەردەن و هێرش دژ بە ئارامی و ئاشتی جە ڕۆژئاڤا و باکورو سوریای ئەنجام مڎانە. جە کاتێۋەنە ئا هێرشێ ئەنجام مڎریانە کە هێزەکی سوریای دیموکراتی قەسەدە جە دێرزوور دژ بە داعشی مەجەنگانە و بەسەدان شەهیدێشان دێنێ. بە هێرشەکان جارێتەر ئاکەپە نیشانەش داۋە کە هامکار و پەشیۋانیکەری سەرەکی داعشیەن. هێرشەکێ دمای کۆبییەی ئەستەنبوڵی بێنێ، ئانێچە پا واتا مەیۆنە کە ئەڵمانیا، ڕوسیا و فەڕەنسا هامبەشێ و پەشیوانکارێ هێرشەکانێ. بێگومان گەلێ جیهانی ۋەراۋەر بە هێرشەکان هەڵۋێستشان مەبۆنە و بێدەنگی نمەبانە. چونکە بێدەنگی ۋەراۋەر بە هێرشەکان پەشتیۋانیەن جە داعشی.

فاشیزمو ئاکەپە و مەهەپەی بە هێرشەکانشان دژ بە ڕۆژئاڤای ئامانجشانە دوژمنایەتی وێشان پەی ڕۆژئاڤای دووپات بکەراوە و پەرە بە فاشیزمی و شۆفینزیمی تورکی بڎاۋە و دەمەزەردش بکەراۋە. هامکات گەرەکشانە جە هۆرۋچنای شارەۋانیەکانو تورکیای کە بڕیارەن جە ٣١ ئادارو ٢٠١٩ی ئەنجام بڎریۆنە سەرکەوتەی و دەسەڵاتداری وێشان مسۆگەر بکەرانە. پۆکەی مشیۆم هەم کورد و گەلێ تورکیای و هەم گەلێ جیهانی ئا پیلانێ کە ئاکەپە و مەهەپەی متێنەرە پووچەڵ بکەراۋە و شەرمەزارش بکەرانە.

پێۋیستەن گەلێ تورکیای و هێزە دیموکراتییۋازەکێ ئا وڵاتەیە پیلانەکێ خاس بۋینانە و دژ بە دەسەڵاتداری ئاکەپە مەهەپەی هەڵۋێست نیشانە بڎانە، چونکە هێرش دژ بە ڕۆژئاڤاو کوردستانی بە پلەی یەکەم زیانش پەی تورکیای هەن و ببۆنە بە هۆکار پەی قوڵ بییەی ئاڵۆزی و قەیرانەکانو تورکیای و هامکات قین و دژبەری کوردی و گەلانو ناوچەکەی ۋەراۋەر بە تورکیای زیاتەر بکەرۆنە. مشیۆم سنور پەی دەسەڵاداری فاشیانەو ئاکەپە و مەهەپەی بنیارە و پارتەی سیاسیەکێ دژ بە هێرشەکان ناڕەزایەتی نیشانە بڎانە و ئایندەو وێشان و تورکیای بە ئاکەپەی و مەهەپەی نەسپارانە.