جەی بارەۋە هامسەرۆکایەتیی کۆنسەو کۆما جڤاکێن کوردستانی-کەجەکە، پەیامی پیرۆزباییش دان و دڵوەشی وێشان بە هۆرۋچنای کاندیدا یەکێتی نیشتمانی کوردستانی بەرهەم ساڵحی، بە سەرۆک کۆمارو ئێراقی نیشانە دان و ئاشکراش کەردەن: "جە قۆناخو ئیسەیەنە کێشێ قورسێ سیاسیێ، ئابوریێ و کۆمەڵایەتییێ جە کورستان، ئێاق و وەرهۆرزی میانی هەنێ، ئێمە هۆرۋچنای ڕێزدار بەرهەم ساڵحی فرە بە گرنگ ۋینمێنە".

کەجەکە ئاماژەش بە شێۋازو هۆرۋچنای بەرهم ساڵحی دان و دەستنیشانش کەردەن: "بە هۆرۋچناییش جە پارلەمانو ئێراقییەنە و بە پەشتیۋانی فرەیی پارلەمانتارەکان، ڕێزدار بەرهم ساڵح بی بە سەرۆک کۆمار و ئێمەیچ پنەش دڵوەشێنمێ و پێرۆزباییش ۋنە مەکەرمێنە. هیۋادارێنمێ ئەرک و ۋەرپرسیاریێ کە بەرهەم ساڵحی ۋستەنش ئەستۆش، ببۆنە مایەو خێر و بێری پەی سەرجەم گەلانو ئێراقی. فرە گرنگ و بەهادارەن کە بەرهەم ساڵح جە پەرلەمانێۋەنە پەی سەرۆک کۆماری هۆرۋچنیان کە نمیاندەیی سەرجەم شناسنامێ و ئەتنیکێ و ئایینێ و ئایینزەکان مەکەرۆنە. ئانێچە نیشاندەرەن کە ڕێزدارشان جە سەرجەم ژیۋایشەنە پەیوەندیش چەنی لایەنە سیاسی و کۆمەڵایەتیەکان بییەن و ئاڎێچێ متمانە و هیۋاشان پنەش هەن تا کێشە و قەیرانەکانشان پەی چارەسەر بکەرۆنە".

هامسەرۆکایەتیی کۆنسەو کۆما جڤاکێن کوردستانی-کەجەکە، هیۋاش واستەن تا بەرهەم ساڵح بە هۆشمەندی و عەقڵیەت و سیاسەتو وێش ڕا وەش بکەرۆنە تا گەلانو ئێراقی جە گەمارۊ "ئتنیکى و ئایینى و مەزهەبی" رزگار بکەرۆنە و هۆشمەندی و عەقڵیەتی ژیای دیموکراتیکی بونیات بنیۆنە. هیۋادارێنمێ کە سەرو بنەما بەها دیموکراتییەکان، سەرەتا پەی چارەسەری دۆزەو کوردی و سەرجەم کێشە سیاسی، ئابوری و کۆمەڵایەتیەکان کۆشش بکەرۆنە.