جە ئەوروپا چالاکییەکێ دژ بە گۆشەگیرکەردەی و چارەنویس-نادیاری ڕێبەر ئۆجالانی و بڕیارەکەو ئەمەریکای دژ بە ۳ جە ڕاۋەبەرانو پەکەکەی و کەجەکەی (جەمیل بایک، دوران کاڵکان و موراد قەرەیلان)ی درێژەشان هەن و جەی چوارچێوەنە جە سوید و دانیمارک چالاکیێ ئەنجام دریێۋە.

کۆپنهاگن-دانیمارک

جە شارو کۆپنهاگن-و پایتەخت-و دانیمارکی ژمارێۋ چالاکوانێ جە ۋەردەمو باڵیۆزخانەى ئەمریکایەنە کۆبیێۋە و بڕیارەکەو ئەمەریکای دژ بە ۳ جە ڕاۋەبەرانو پەکەکەی و کەجەکەی (جەمیل بایک، دوران کاڵکان و موراد قەرەیلان) سەرکۆنە و ڕسوا کەرد.

سەرەڕاو بەرزکەردەی پۆستەرێ ئۆجالانی و ئاڵێ پەکەکەی و کەجەکەی، بە نامێ ئەنجومەنو ژەنێ سیڤێی و گلێرگەی دیموکراتی کوردی بەیاننامە ۋنیاۋە و دلێشەنە بڕیارەکەو ئەمەریکای شەرمەزار کریا و داۋا جە وڵاتەکەی کریا جە بڕیارەکەیش پەیشیمان ببۆۋە. هامکات باس جە کۆشایشی ئازادی کوردی دژ بە داعشی کریا و داۋا جە ئەمەریکای و ڕای گردی میاندەوڵەتی کریا  ئا کۆشاییشە بۋینانە.

بۆرلانگ–سوید

جە شارو بۆرلانگ-و سویدی بە پێشەنگی گەنجێ شۆڕشگێڵێ، ڕاپیمای و کۆبییەی دژ بە گۆشەگیری و چارەنویس نادیاری ڕێبەو گەلو کوردی عەبدوڵا ئۆجالانی ئەنجام دریا و دلێچشەنە بڕیارەکەو ئەمەریکا دژ بە ۳ جە ڕاۋەبەرانو پەکەکەی و کەجەکەی سەرکۆنە و شەرمەزار کریا. 
بەنامی بەشداربییەکانەۋە، فوئاد پرسوس قسێش کەردێ و جەختش کەردەۋە جە شکستدای گۆشەگیریەکەی و داۋاچش جە ئەمەریکای کەرد، تا بلۆۋە بڕیارەکەیشەرە کە دژ بە تەڤگەرو ئازادی کوردی دانش و نەبۆنە بە هامکارو ئەردۆغانی.

مێلبۆرن–ئۆستورالیا

جە لایێ تەرەۋە جە شارو مێلبۆرن-و ئۆستورالیای، ٨١ مین ساڵیادو جەداردای سەید ڕەزای و هاۋەڵەکانش کریاۋە. ساڵیادەکە جە ناوەندو گلێرگەی دیموکراتی شارەکەی ڕێکۋزیابێ و دلێشنە، سینەفزیۆن نیشانە دریا و واچێ پێشکەشێ کریێ، کە گوزارە مەکەرێنێ جە شۆڕش و کۆمەڵکوشی دێرسیمی و جەداردای سەید ڕەزای و هاۋەڵەکانش.