فەرمانداری یەکینەکێ ڕۆژهەڵاتو کوردستانی (یەرەکە-YRK) ئاشکراش کەرد: "جە هێرشەکەو (سەفرە)ی سەر بە ماوەت-یەنە ٢ گەریلێ و ٣ وڵاتپارێزێ شەهیدێ بیێنێ و ئەگەر خیانەت نەبیایە دوژمن ئامانج نپێکێ و کارەساتی بە ئی جۆرە ڕووە نەڎێنە".
فەرمانداری یەکینەکێ ڕۆژهەڵاتو کوردستانی (یەرەکە-YRK) سەبارەت بە هێرشەکەو ڕژێمو تورکیا کە دەگاو سەفرە-ی سەر بە قەزا (شارستان)و ماوەت-یش جە پارێزگاو سلێمانیێ کەردەبێ ئامانج، ئەرەیاونایێوش پەی ڕاو گردیی دان و جە میانشەنە بە ئی تەوەر باسش جە هێرش و ڤییەرەکەی کەردەن:
وەراوەر بە دەستکەوتەکێ گەلو کوردی، دەوڵەتێ داگیرکەرێ کوردستانی بەردەوامێنی جە هێرشەکانشان و قڕکەردەی، بەتایبەتی ڕژێمو تورکیای ئامانجش دلێنەبەردەی و تەسلیم گێرتەی کوردی و ئەرەگێرتەی خاک و نیشتمانەکەیشەن و بەبێ جیاوازی باشور، باکور و ڕۆژاڤا و ڕۆژهەڵاتی مەکەرۆن ئامانج.
جەئی چوارچێوەنە، سەعات ١١:٤٥ دەیەقێ شەوەو ٢٠٢٠/٠٥/٢٦ی، ڕژێمو تورکیای بە باڵەپڕێ جەنگیێ و بە هەماهەنگی چەنی باڵەپڕی بێسەرنشینی سیخوڕی، دەگاو(سەفرە)ی سەر بە ماوەت-و پارێزگاو سلێمانیێ-شان کەردێ بێ ئامانج و جە ئاکامشەنە ٢ گەریلێ و ٣ وڵاتپارێزێ کە مێمانێ گەریلاکانمان بێنێ شەهیدێ بیێ. ئی ڤییەرە سەلەمناشەوە کە ئەگەر خیانەت نەبۆنە دوژمن ئامانج نمەپێکۆنە و کارەساتی بە ئی جۆرە ڕووە نمڎۆنە".
یەرەکە شناسنامێ ٢ گەریلاکیەکێشان ئاشکرێ کەردێنی و ئاماژەش بە ئانەیە دان جە ئایندەی نزیکەنە شناسنامێ ٣ وڵاتپارێزەکەیچ ئاشکرێ بکەرۆن.
شناسنامێ ٢ گەریلایەکەی بە ئی جۆرە ئاشکرێ کریێنێ:
نام و پەشتنام: فەخرەدین عەلۍنەژارد
ئەژاسیابە: زنار بروسک
یاگێ و ساڵەو پەیوەست بییەی:ماکۆ - ٢٠١٦
یاگێ و ڕێککەفتو شەهیدبیەی: ئاسۆس / ٢٠٢٠/٠٥/٢٦
نام و پەشتنام: فەرزاد بێهنەوەرد
ئەژاسیابە: ڕێباز سنە
یاگێ و ساڵەو پەیوەست بییەی: سنە/ ٢٠١٦
یاگێ و ڕێککەفتو شەهیدبیەی: ئاسۆس / ٢٠٢٠/٠٥/٢٦
فەرمانداری یەکینەکێ ڕۆژهەڵاتو کوردستانی (یەرەکە-YRK) سەرەڕاو سەرەوەشی جە خانەوادێ هەر ٥ شەهیدەکا و ستایش کەردەی خەباتو کۆشای ئازادی گەریلا زنار بروسک-ی و گەریلا ڕێباز سنە-ی و جە کەسایەتیشانە بەڵێن بە درێژەدای خەباتیشان و بەدی ئاوردەی ئامانجیشان، بانگەوازیچش جە گەلی وڵاتپارێزی کەردەن، تا بە ڕێزداری خاوەن جە شەهیدەکان بەربگنانە و دژ بە ئەرگێرتەی دوژمنی و خیانەتکاران ئەرکی نەتەوەیی و نیشتمانیی وێشان بەدی باوەرەرانێ.
