جە تورکیا سیستەم بەگردیی و دادگەری بەتایبەتی سیستماتیکیانە جەلاو ئاکەپە و ئەردۆغانی داگیرکریان بە ئاۋەزو وێشان بەکارش مەبەرانە.

جە ۲۰۱٥نە جە "سور/ئامەد، کەربۆران/مێردین، جزیرە و سلۆپی سەر بە شرناخ"ی، ڕژێم هامۆشییەش قەدەغە کەردێبێ، بەڵام جەماوەر بەبەشداری پارلەمانتارەکێ هەدەپەی ڕاپیمایی و وێنیشاندایشان ئەنجام دابێ. بەنام دەستگاو دادگەری تورکیای دژ بە (عەلی جان ئۆنلو، عایشە ئاجار باشاران، عوسمان بایدەمیر و لەیلا بیرلیک) پەرلەمانتارانێ هەدەپە دۆسیەش کەردەبێۋە و ئەرەنیشتەی پەی یەکلایی-کەردەی دۆسیەکەی جە دادگەو شرناخی ڕێکۋستەبێ. دەرەنجام دادگەکە بە بەهانێ نایاسایی بییەی ڕاپیمایی و وێنیشانداکەی ۱ ساڵ و ٦ مانگێ سزاو زیندانیش سەپنان ملو (ئۆسمان بایدەمیری و لەیلا بیرلیک)ێ پارلەمانتارێ وەڵینێ هەدەپە-یەرە.

هاموەخت دادگەکە، دۆسیەو (ئۆنلو و باشاران)یش فاڕاۋە پەی دادگەیێ تەری و بڕیارەن چاگە دۆسیەکەشان یەکلایی بکریۆۋە.