۱۰ پارلەمانتارێ هەدەپەی دژ بە گۆشەگیری ئیمرالی مان مەگیرانە

۱۰ پارلەمانتارێ هەدەپەی جە دلێ پارلەمانیەنە و سەرجەم ڕێکۋزیێکێ هەدەپەی دژ بە گۆشەگیرکەردەی و چارنۋیس-نادیاری ڕێبەر ئۆجالانی دەست بە مانگێرتەی جە واردەی مەکەرانە.


۱۰ پارلەمانتارێ هەدەپەی کە یۋەشان پەرۋین بۆڵدان هامسەرۆکەو گردیی هەدەپە-یەنە، جە دلێ پارلەمانو تورکیای دژ بە گۆشەگیرکەردەی و چارنۋیس-نادیاری ڕێبەر ئۆجالانی دەست بە مانگێرتەی جە واردەی مەکەرانە.
مانگێرتەکەی ڕۆو ۳ شەممەی جە دمای کۆبییەو فراکسیۆنو هەدەپەی جە پارلەمانە دەست پنە مەکریۆنە و تا ٥ شەممە بەردەۋام مەبۆنە. 
هاوەخت چەنی مانگێرتەکەی کە جە پارلەمانەنە ئەنجام مڎریۆنە، جە سەرجەم شار و ناوچەکانە ئەندامێ و ڕاۋەبەرێ و پارلەمانتارێ هەدەپەی، پەی ۳ ڕۋان مانگێرتەی جە واردەی دەست پنە مەکەرانە.