جە ٢٢-٢٦ ئه‌یلوولی جە شارو لیڤه‌رپوول-و به‌ریتانیای، کۆنفرانسو پارتو کارگەرانو بەریتانیای بەسیۆنە و دلێشەنە سەرکردایەتی و ئەندامێ پارتەکەی داۋا ئازادی ڕێبەرو گەلو کوردی، عەبدوڵا ئۆجالانی مەکەرانە و بە گردی ئۆجالان و کورد یۆن جە ئاژە سەرەکیەکانو کۆنفەڕانسەکەی.

بڕیارەن جە کۆنفەڕانسەکەنە پانێلێ بە نامێ «فاشیزم جە وەرهۆرزی دلین، پارێزنای ئۆجالانی، كورد و شۆڕشو ژەنێ» ڕێک بۋزیۆنە. جە پانێلەکەنە، په‌رله‌مانتار لیۆد ڕوسێل-مۆیله‌ و پارلەمانتار لۆرد ماوریس گلاسمان، وه‌زیرو دادی سهێ شامی چاكبارتی، هامسه‌رۆكو كه‌مپینی میاندەوڵەتی "ئازادی پەی ئۆجالان"ی سیمۆن دوبینس، ئه‌ندام جە كه‌مپینه‌كه‌ هاڤین گیونه‌شه‌ر و سه‌رۆكو شانازی كۆنگره‌و دیموكراتی گه‌لانی (هه‌ده‌كه‌) ئه‌رتوغرول كوركچو ئامادێ بانە.

هەرپاسە جە كۆنفڕانسه‌كه‌نه‌ ئینسیاتیڤو ئه‌نجومه‌نو گه‌لو كوردی و نمایندەیی كۆنگره‌و نه‌ته‌وه‌یی كوردستانی (كه‌نه‌كه‌) جە به‌ریتانیا پانێلێ تەر بە نامێ «كاریگه‌ری ئۆجالانی و كوردی سه‌رو ئاشتی و دیموكراتی جە وەرهۆرزی دلین» ئەنجام مڎانە و  په‌رله‌مانتارێ بەریتانیای لۆرد ماوریس گلاسمان و تره‌یسی برابین و بەنامێ کەنەکەی ڕزگار وان قسەکەرێش مەبانە.