لە ڕاگەیاندراوەکەدا هاتووە:

«لە چوارچێوەی ئۆپەراسیۆنە ئەمنییە هاوبەشەکان دژی ڕێکخراوی تیرۆریستی داعش و شانەکانی لە هەرێمەکە، یەکینەکانی ئەنتی تیرۆر (YAT) سەر بە هێزەکانی سوریای دیموکراتیک، بە هاوبەشی لەگەڵ دەزگای دژە تیرۆری هەرێمی کوردستان (CTG) و بە پشتیوانی هێزەکانی هاوپەیمانیی نێودەوڵەتی، ڕۆژی هەینی، ٢٦ ی ئایار، ئۆپەراسیۆنێکی ئەمنی لە گوندی بونتیل لە دەیرەزۆری ڕۆژهەڵات ئەنجامدا.

یەکینەکان توانیان چەتەیەکی تیرۆریستی داعش دەستنیشان بکەن و دەستگیری بکەن، ئەرکی ئەم چەتەیە کارئاسانی و هاوکاریکردن بووە بۆ شانەکانی داعش لە هەرێمەکە لەڕێگەی هێنان و گواستنەوەی چەک و تەقەمەنییەوە. هەروەها هێزەکانمان توانیان دەستبگرن بەسەر ژمارەیەک چەک و کەرەستەی سەربازی، کە پێکهاتوون لە:

_ دەمانچە (١ دانە).

- کڵانشینکۆف (١ دانە).

_ تەلەفۆنی زیرەک (مۆبایل) (٤ دانە).

_ مەخزەنی چەکی کڵاشینکۆف (١١ دانە).

هێزەکانمان دووپاتی دەکاتەوە، بەردەوام دەبێت لە ئۆپەراسیۆنە ئەمنییە هاوبەشەکان دژی شانە تیرۆریستییەکانی داعش تاوەکو ڕیشەکێشکردنی لەپێناو پاراستنی ئاسایش و سەقامگیریی هەرێمەکە.

ناوەندی ڕاگەیاندی هێزەکانی سوریای دیموکراتیک

٢٨ ئایاری ٢٠٢٣».

ژ.ت