ئەمساڵ نۆ کەس لە سەرتاسەری جیهان بە شایستەی وەرگرتنی خەڵتی شارەوانی جیهانی هەلبژێردران، یەکێک لەو نۆ کەسە، لەیلا مستەفا سەرۆکی شارەوانیی ڕەقا، سەربە خۆبەڕێوبەریی باکوور و ڕۆژهەڵاتی سوریایە.

لە ڕاگەیەندراوەکەی کۆمیتەی خەڵاتی شارەوانی جیاندا، لەو بارەوە هاتووە: ئەم  خەڵاتە دەبەخشرێتە لەیلا مستەفا سەرۆکی شارەوانی ڕەقای سوریا، بەهۆی هەوڵدانەکانی بۆ سەرلەنوێ ئاوەدانکردنەوەی ئەو شارە دوای داگیرکاریی داعش.

خەڵاتی شارەوانی جیهان (World Mayor Award) هەر ساڵە و بەپێی هەڵسەنگاندنی کاری سەرۆک شارەوانییەکان و بەتایبەتیش کوالیتیی خزمەتگوزارییەکانیان لە شارەکان، لە ئاستی نەتەوەیی و نێونەتەوەیی دەبەخشیڕتە چەند سەرۆک شارەوانییەک لە سەرتاسەری جیهان.

ف.ق