قه‌سه‌ده: گوندی مۆزان ڕزگار كرا
ناوه‌ندی ڕاگه‌یاندنی قه‌سه‌ده ڕایگه‌یاند، گوندی مۆزان-ی نزیك شارۆچكه‌ی سووسه له ده‌ستی چه‌ته‌كانی داعش ڕزگار كرا.
ناوه‌ندی ڕاگه‌یاندنی هێزه‌كانی سووریای دیموكراتیك (قه‌سه‌ده) ڕاگه‌یه‌نراوێكی بڵاوكرده‌وه و ڕایگه‌یاند: له چوارچێوه‌ی قۆناغی كۆتایی هه‌ڵمه‌تی گه‌رده‌لوولی جزیردا، دوای ٣ ڕۆژ شه‌ڕكردن له گوندی مۆزان-ی نزیك له شارۆچكه‌ی سووسه له سنووری دێره‌زۆر، سه‌ره‌نجام ئه‌مڕۆ گونده‌كه ڕزگار كرا.
قه‌سه‌ده ڕاشیگه‌یاند، تیمه‌تایبه‌ته‌كانیان ده‌ستیان به گه‌ڕان و پشكنین كردووه له گونده‌كه بۆ پاككردنه‌وه‌ی له پاشماوه‌ی چه‌ته‌كانی داعش.
s.m
